All-llahu është Ai i Cili hapë dhe zgjidhë, lehtëson çdo gjë që është e mbyllur, e lidhur dhe e ngurtësuar. Ekzistojnë gjëra që për ne janë të mbyllura. Kemi gjendje dhe probleme të lidhura në nyje. Gjëra të betonuara nëpër të cilat nuk mund të depërtojmë dhe të shohim. Disa prej këtyre gjërave janë me karakter material: profesioni, punët, fitimet, atë që posedojmë, vendet dhe miqtë tek të cilët nuk kemi qasje. Ekzistojnë edhe zemrat e lidhura në nyje, mendime të lidhura me dyshime, ose pyetje në të cilat nuk jemi në gjendje të përgjigjemi. Emri i bukur i All-llahut El Fettah, i hapë të gjitha dyert. Sepse nëse All-llahu nuk i hapë dyert e begative dhe mirësive të Tij, askush tjetër këto dyer nuk mund t'i hapë.

Ai posedon çelësin e depove të fshehta hyjnore edhe për zemrën e njeriut. Qëndro para dyerve të mëshirës së All-llahut xh.sh. pa ndërprerë, ngase ti je i varfër, Ai është i Pasur. Ti ke dëshira dhe nevoja, ndërsa Ai i plotëson dëshirat dhe nevojat tuaja. Por, edhe ti hapi dyert e mëshirës sate dhe bujarisë!

Ndihmoju atyre që janë më të dobët se ti, që të jesh i shpëtuar nga dhuna e atyre që janë më të fuqishëm se ti. Ndihmoju atyre që kanë rrëshqitur, që të ndihmojë All-llahu ty, kur ti rrëshqet. Dhe më e rëndësishmja është, mos lëndo dhe ofendo askënd, sepse ofendimi dhe lëndimi është çelës me të cilin mbyllen dyert e mëshirës dhe begative.

Abd el Fettah është robi i All-llahut i cili është ngritur me përpjekjet e tij, kështu që me urtësinë dhe përvojën e tij mund t'i zgjidhë problemet e tij të dunjasë dhe shpirtërore, si dhe problemet e të tjerëve. Atij, All-llahu ia jep çelësin me të cilin hapë fshehtësitë e diturisë.

Ky është ai i cili zgjidhë nyejt e forta, fshehtësitë e fshehura, zemrat e lidhura dhe dëshirat e pa realizuara.

 

 

Përgatiti: Dr. Ali Iljazi

 

05.07.2007.islamgjakova.ne