All-llahu i Madhërishëm zbulon atë që është e mirë dhe e bukur, ndërsa fshehë të keqen. Mëkati është gjë e keqe. Pendimi është të kuptuarit e së keqes e cila ofendon si të tjerët ashtu edhe neve dhe njëherit përpjekje që të ndryshojmë veprën e keqe, apo së paku të mundohemi ta fshehim. All-llahu është Ai i Cili pranon pendimin dhe falë. Nëse kemi gabuar dhe kemi çrregulluar harmoninë tonë dhe të tjerëve, i cili është ndoshta mëkati më i madh dhe këtë e kuptojmë dhe i lutemi All-llahut të na ndihmoj që mos ta përsërisim gabimin, duke ju lutur me sinqeritet dhe lotë turpërimi, me emrin e Tij të bukur El Gaffar për falje, All-llahu do të na falë... Dhe ndoshtq ta kthej mëkatin tonë në vepër të mirë.

Mëkatari është sikurse i mjeri që ka rënë në vrimën e kanalizimit. Çfarë duhet bërë së pari? Në këtë gjendje nuk mund ta sheh veten, dhe as të paraqitet para të tjerëve. Me shpejtësi vrapon që të pastrohet. Sapuni dhe uji që pastrohemi nga jashtë, pendimi është pastrim i brendshëm.

I mjerë është ai i cili as nuk e sheh papastërtinë dhe kundërmimin e brendisë së tij.

Pendimi është në mes robit dhe All-llahut xh.sh., askush nuk duhet ta dëgjoj. Pendimi ndonjëherë bëhet edhe pa gjuhë, sepse All-llahu i di zemrat tona. Por, pendimi duhet të përcillet me vendosmëri të fuqishme që gabimin mos ta përsërisim.

Shenjë që pendimi ynë është pranuar dhe që All-llahu El Gaffar na ka falur për atë mëkat, është që Ai nuk do të lejoj të përsëritim atë mëkat.

Abd el Gaffar është ai rob i All-llahut xh.sh. i cili ka dhunti, aftësinë e faljes së gabimeve, ose mbulimin dhe fshehjen e gabimeve nga sytë e njerëzve të tjerë. Pejgamberi s.a.v.s. ka thënë:

"Kush falë dhe fshehë gabimet e tjetrit, All-llahu do t'ia falë dhe do t'ia mbulojë gabimet e tij ditën e Gjykimit".

All-llahu i Dashur e di më së miri!

 

 

 

Përgatiti: Dr. Ali Iljazi

 

26.10.2006.islamgjakova.ne