All-llahu i Madhërishëm në Kur'anin fisnik urdhëron e thotë: Ajo (gruaja - Belkisa) tha: "O ju pari, mua më ka arritur një letër madhështore!" (e lexova) Kjo është prej Sulejmanit (mandej e hapi, kur qe, në të) "Me emrin e All-llahut, Mëshiruesit, Mëshirëbërësit!" (Bismil-lahir-Rrahmanir-Rrahim!) (En Neml, 29-30)

"Er-Rrahman-Meshiruesi. Ky është atribut special i All-llahut, i cili jep të mirat e të këqiat, është i butë dhe i mëshirshëm, qoftë ai besimtar apo jo besimtar. Dielli i All-llahut shndërrit çdo kend."

Në kaptinën Fatiha çdo ditë lexojmë: "Falënderimi i takon vetëm All-llahut, Zotit të botëve! Bamirësit të përgjithshëm, Mëshiruesit" (El-Fatiha, 1-2)

Në Kur'anin fisnik thuhet: "Zoti juaj (që meriton adhurim) është Një, All-llahu, nuk ka zot pos Atij që është mëshirëplotë, gjithnjë mëshiron."(El-Bekare, 163)

Me këtë emër të Zotiti "Er-Rrahman" nuk lejohet të emërohet askush, ngase ky ka statusin e emrit "All-llah", gjegjësisht paraqet një prej Emrave të lartë të All-llahut.

Në kaptinën Isra thuhet: "Thuaj: "Thërrisni: All-llah ose thërrisni Er Rrahman, me cilindo që ta thërrisni (me këta dy emra), emrat e Tij janë më të bukurit." (El-Isra, 110)

Me këtë emër veten e emëroi i dërguari i rrejshëm Musejleme "Rrahman el-Jemam", i cili njihet me emrin Musejlem Kedhdhab (gënjeshtar i madh.)

Në kaptinën Enbija, All-llahu i Madhërishëm thotë: "Thuaj: " Kush ju mbron juve prej (dënimit të) të Madhëruarit natën e ditën?" Por jo, ata ua kthejnë shpinën këshillave të Zotit të tyre." (El-Enbija, 42)

Mëshiruesi është Ai i cili mbronë, e këtu, mbrojtja e Tij është me kuptim të përgjithshëm ('amm) d.m.th. ka të bëjë me të gjithë njerëzit.

Në kaptinën Ja sin thuhet: " E sikur të duam Ne, i përmbytim ata, e nuk ka efekt as lutja e tyre dhe as që do të shpëtonin. Përveç nga mëshira Jonë ndaj tyre, dhe që të përjetojnë të mirat deri në një kohë të caktuar." (Ja sin, 43-44)

Kështu i Gjithmëshirshmi të gjithë i shpëton, besimtarëve do t'ju tregonë mëshirë, ndërsa pabesimtarëve do t'ju ofrojë kënaqësi, për një kohë të caktuar dhe në afat të caktuar.

Veprimi i Emrit të Bukur të Zotit "Mëshiruesi" shprehet gjatë krijimit të çdo gjëje, të botës së dukshme dhe asaj të padukshme. Për këtë, në mes tjerash në Kur'an thuhet: "(E Ai është) Mëshiruesi që krijoi tokën dhe qiejt e lartë." (Ta Ha, 5)

Çfarë paraqet krijimin, udhëheqjen dhe realitetin e të gjitha gjërave, të gjitha krijesave dhe çdo gjëje që ekziston.

Veprimin e Tij përmes Emrit "Mëshirues", All-llahu i Madhërishëm dëshiron të sheh edhe tek robërit e Tij, prandaj ju drejtohet:

"Unë jam All-llahu, Unë jam Mëshiruesi. Kam krijuar lidhjet familjare (er-Rahim), duke emëruar sipas emrit Tim (er-Rrahman). Andaj kush i bashkon (i mbanë), do t'ia mundësoj të takohet me Mua (vuslet), ndërsa kush i ndërprenë, do ta largoj nga Unë." (Transmeton Abdurrahman ibn Avf, shënon Tirmidhiu)

Kuptimi i ndjenjës së veprimit të Emrit të Zotit "Mëshirues" fillon me dhembshuri dhe brengosje, kur kuptojmë se dikush është në brengë dhe dhembje, dhe mu kjo dhembshri që e ndiejmë na vënë në lëvizje që t'i ndihmojmë [ersonit në brengën që e ka.

All-llahu i Madhërishëm e ka ofruar mqëshirën e Tij tek të gjitha krijesat duke manifestuar përmes Emrit të Tij të bekuar "Mëshiruesi".

Kur njeriu në zemrën e tij tërësisht e pranon (tehakkuk) veprimin e Emrit të Zotit "Mëshiruesi", do t'i dhurohet lartësi shpirtërore të cilën do ta dijë vetëm ai, e askush tjetër.

Personi, zemra e të cilit është nën ndikimin e Emrit të Zotit "Mëshiruesi" , ka mëshirë ndaj të tjerëve, i falë dhe i ndihmon të tjerët.

All-llahu i Madhërishëm i dërgoi pejgamberët (alejhimusselam), duke i zbukuruar me sjelljen më të bukur, dhe duke u dhuruar butësi dhe mëshirë në zemrat e tyre.

Përkojtojmë versetet në Kur'anin fisnik: "Ti ishe i butë ndaj atyre, ngase All-llahu të dhuroi mëshirë." (Ali Imran, 159)

"Juve ju erdhi i dërguar nga lloji juaj, atij i vie rëndë për vuajtjet tuaja, sepse është lakmues i rrugës së drejtë për ju, është i ndijshëm dhe i mëshirshëm për besimtarët." (Tevbe, 128)

Personi, zemra e të cilit i është ekspozuar manifestitimit të Emrit të Zotit "Mëshiruesi", e pranon secilin, për secilin kujdeset, me secilin është në paqe.

Në Kur'an thuhet: "E robërit e Zotit janë ata që ecin nëpër tokë të qetë, e kur atyre me fjalë u drejtohen injorantët, ata thonë: "Paqe!" (Furkan, 63)

Fejzullah efendiu ka thënë: "Kush e përmend këtë Emër të Zotit me siguri do të jet i mbrojtur nga fatkeqësitë"

Dr. Abdul Halim Mahmud thotë: "Kush e lexon këtë Emër njëqind herë pas çdo farzi do t'i largohet harresa, indiferenca dhe vrazhdësia e zemrës dhe do të jet i ruajtur nga ngatërresat e dunjasë."

Kush e shkruan këtë Emër dhe e futë në ujë, e pastaj e pinë këtë ujë, do t'i ulet temperature e lartë.

Kush, ditën e xhumasë, pas ikindisë e lexon "ja All-llah, ja Rrahman" derisa të perëndoj dielli, All-llahu i Madhërishëm do t'i jep çfarë do të kërkon.

All-llahu i Dashur e di më së miri!

 

 

 

Përgatiti: Dr. Ali Iljazi

 

29.05.2006.islamgjakova.ne