Më datë 29.06.2007 (ditën e premte) komandanti i stacionit policor të SHPK-së në Gjakovë, toger Bekim Avdia me bashkëpunëtor vizituan Këshillin e Bashkësisë Islame të Gjakovës, ku u prit nga kryetari i KBI-së Fatmir ef.Iljazi me stafin e tij.

Komandanti i stacionit policor të SHPK-së në Gjakovë, ka falënderuar Këshillin e Bashkësisë Islame të Gjakovës e në veçanti kryetarin Fatmir ef.Iljazin, për gjithë veprimtarinë e deritanishme të cilën e ka vlerësuar tejet korrekte dhe pozitive në mbështetje të gjithë procesit në nivel lokal dhe atë vendor - gjithëkombëtar për të ardhmen e Gjakovës dhe të Kosovës. "Duke pasur në konsideratë, posaçërisht kontributin e tyre qytetar dhe atë shpirtëror, me besimtarët e komunitetit musliman, dhe me angazhimin e tyre në bashkëpunim me besimtarët e besimeve tjera të Gjakovës, kjo është shumë me rëndësi dhe reflekton pozitivisht dhe është pjesë e kontributit të përgjithshëm të organizuar nga ana e tyre në proceset e rëndësishme që po kapërcen Kosova, në tolerancë dhe në mirëqenie të përgjithshme", tha Avdiu.

Ndërkaq, kryetari i KBI-së Fatmie ef.Iljazi, pasi falënderoi z.Bekim Avdiun për vizitën e tij, tha se ka kënaqësinë e veçantë të presë komandantin e stacionit policor të SHPK-së të qytetit të Gjakovës. Ai, gjithashtu, tha se kjo vizitë hap shtigjet e horizonteve të reja për bashkëpunim për të dy institucionet. KBI në Gjakovë, do të vazhdojë rrugën të cilën e ka ndjekur deri tash në përhapjen e tolerancës dhe bashkëjetesës, për një kontribut të gjithmbarshëm për të avancimin e KBI-së dhe qytetit të Gjakovës.

Më pas mysafirët e vizituan edhe xhaminë e Hadumit, ku u ndanë shumë të kënaqur me bukuritë e rralla artistike dhe arkitektonike që ofron ky objekt unikat për qytetin e Gjakovës e ndoshta edhe më gjerë. Në fund të vizitës komandanti e ftoi kryetarin e KBI-së që të vizitoi stacionin policor të SHPK-së.

 

 

Esat ef. Rexha

 

 

04.07.2007.islamgjakova.net