Këshilli i Bashkësisë Islame në Gjakovë, në bashkëpunim me shoqatën kulturore, humanitare "Istambull" nga Turqia, më datën 31.03.07 (ditën e shtune) në xhaminë e "Hadum Agës" ne Gjakove, xhamia më e vjetër e qytetit, e cila numërohet edhe një ndër xhamit e para në Ballkan, u mbajt një manifestim për ditëlindjen e Muhammedit a.s.

Në këtë manifestim morën pjese imamët e te gjitha xhamive te komunës se Gjakovës, xhematlinjtë dhe mysafiret e ftuar nga Prishtina, Mustafa ef.Dervisholli dhe Sallah ef.Feta.

Hapjen e programit e bëri imami i kësaj xhamie Enes ef. Koshi, pasi përshëndeti te gjithë te pranishmit e ne veçanti mysafiret e nderuar nga Prishtina, e ftoi hfz. Idriz Keskin nga Turqia, njëherit koordinator i qendrës për memorizimin e Kur'anit "Medreseja e Madhe" ne Gjakove, për ta lexuar një ashere nga Kur'ani.

Pas leximit te Kur'anit fjalën e mori imami i xhamie se madhe Enes ef.Koshi, i cili foli për personalitetin e Mhamedit a.s.

Në vazhdim fjalën e mori imami i xhamie se Re Munir ef.Salkurti, i cili e mbajti një ligjëratë për "Mahammedi a.s. shëmbëlltyre e jetës se besimtareve të të gjitha kohërave".

Pas ligjëratave te mirëpritura nga te pranishmit programi vazhdoi me këndimin e disa pjesëve te Mevludit. Para se te fillonte këndimi i Mevludit, fjalën e mori Mutsafa ef. Dervisholli nga Prishtina, i cili mbajti një ligjëratë të shkurtër rreth traditës se Gjakovës për manifestimin e ditëlindjes se Muhammedit a.s. dhe këndimit te Mevludit. Ne ligjëratën e tij e ceku kontributin dhe rolin e ulemave te Gjakovës, gjate historisë ne çështjen fetare dhe kombëtare.

Këndimin e Mevludi e filloi myezini me i vjetër i Gjakovës, Shefqet Kusari dhe imamët tjerë te KBI-se ne Gjakove, dhe nga mysafiret e ftuar enkas nga Prishtina, të cilët i freskuan zemrat dhe shpirtrat e besimtarëve në ketë manifestim rasti, e ne veçanti Mustafa ef. Dervisholli i cili është i njohur për xhematin e Gjakovës, ku me zërin e tij te ëmbël dhe karakteristik ua kujtoi gjakovareve ditët e hershme te kohës të ulemave te vjetër si Fahri efendise etj.

Manifestimit edhe me tepër ia shtoi bukurinë kori i ilahi te udhëhequr nga z. Mevlude Qorri. Ne fund organizatoret e programit kishin përgatitur një koktej për të pranishmit.

 

Esat ef. Rexha

 

 

02.04.2007.islamgjakova.net