Gjakovë, 02 12. 2007

Siç është bërë traditë, edhe këtë vit, më 02.12.2007 (e diele) pas namazit të drekës, në xhaminë e Kusarëve në një ambient të shkëlqyeshëm dhe atmosferë të mrekullueshme u mbajt duaja e haxhinjve për haxhinjtë e ardhshëm të komunës së Gjakovës të cilët sivjet do ta kryejnë kushtin e pestë islam, shkuarjen në haxh.

Përveç imamëve të qytetit të pranishëm ishin edhe një numër i madh i xhematlinjve të cilët kishin ardhur edhe nga xhamitë tjera.

Të pranishmëve iu drejtuan Arsim ef.Morina, imam në xhaminë e sefes dhe dr. Ali Iljazi me fjalimet e tyre rreth dimensionit dhe vlerës së haxhit, ndërsa duanë e haxhit e bëri Abdullah ef.Krasniqi, imam në xhaminë e gërçarëve.

Në fund të pranishmit u përshëndetën me haxhinjtë e ardhshëm duke ju dëshiruar rrugë të mbarë dhe haxh të pranuar nga ana e Allahut të Madhërishëm.

 

 

 

03.12.2007.islamgjakova.net