Den Hag - të tjerët i njohin si 'vajza hallall'. Ato janë tri motra të reja, me origjinë marokene, të cilat arritën të bëhen yje televizive në Holandë, me emisionin i cili, sipas IOL, rrënon tabutë dhe paraqet pasqyrën e vërtetë të islamit.

"Ne jemi holandeze me origjinë marokene, por para së gjithash ne jemi myslimane", thotë për IOL 28 vjeçarja Esmaa Alariachi, motra më e vjetër. Esmaa dhe motrat e saja, Jihad 24 vjeçare dhe Hajar 23 vjeç me talk show-in e tyre në kanalin TV5 kanë filluar para dy vitesh.

"E tëra filloi kur Jihad është lajmëruar në një konkurs të shpallur nga kanali TV5", thotë Esmaa. "Ishte interesant të shikosh një vajzë të mbuluar e cila kishte aftësi të jashtëzakonshme komunikimi, me intelekt dhe ndjenjë të shkëlqyeshme për humor", thotë drejtori i programit Yam Coimannm duke kujtuar audicionin.

Atëkohë kanali TV5 u kishte lejuar motrave që ato vet të jenë kreatore të show programit të tyre. Motrave nuk iu desh kohë e gjatë të bëhen yje të televizionit. "De Meiden van Halal" është emërtuar njëri nga show programet më të mira në vitin 2007. Shumë tabu u rrënuan me anë të programit të tyre, ato haptas komunikojnë për dukuri të ndryshme shoqërore. "Ne nuk frikohemi të flasim për çfarëdo teme, feja jonë përkrah lirinë e shprehjes dhe dialogun me të tjerët".

Vajzat besojnë se ato me anë të programit të tyre rrënojnë mitet dhe paragjykimet e gabuara rreth islamit. "Qëllimi ynë është të tregojmë se islami nuk ka asgjë të përbashkët me ekstremizmin". Ekstremizëm, në të vërtet, ka në çdo religjion. Nuk janë të gjithë muslimanët Bin Ladena e as Mohammed Bouyeri i cili e vrau Van Gogun, thonë motrat dhe shtojnë: "Mbani në mend se edhe ne jemi myslimane".

 

 

 

12.03.2008.islamgjakova.net