Faik MIFTARI

 

Shënimi dhe shpallja e pavarësisë së Kosovës  me 17 shkurt 2008 edhe në Prizren, kryeqyteti shpirtëror shqiptar, si gjithkund tjetër ku jetojnë shqiptarët u shënua me një  manifestim dhe kremtim madhështor. Solemniteti zyrtar filloi në ora 10.oo në ndërtesën e "Shtëpinë së Bardhë", ku u organizua një pritje dhe një koktej rasti nga ana e kryetarit të Prizrenit Ramadan Muja për të gjithë këshilltarët komunal dhe përfaqësuesit të subjekteve politike komunale dhe përfaqësues të mediave elektronike dhe të shkruara. Me këtë rast kryetari për nderë të pavarësisë së Kosovës e preu edhe  tortën e pavarësisë, të cilin e kishte përgatitur enkas për kuvendin komunal ëmbëltorja "Sheherzadja". Para namazit të drekës nga Këshilli i xhamisë u ngrit flamuri kombëtar shqiptar në majën e minares së xhamisë së Bajraklisë, në të cilin në vitin 1878 u mbajt Kuvendi i Lidhjes së Prizrenit, vend historik i pikënisjes së synimeve tona për krijimin e shtetit shqiptar. Në ora 13.oo u bë nisja nga Prizreni për në varrezat e dëshmorëve në Landovicë, ku për shpirt të dëshmorëve të pavarësisë së Kosovës u lexua nga një Elham (Fatiha) me dëshirë dhe lutje që Zoti i madhëruar të shpërblejë dhe të gradojë me shkallë më të lartë sakrificat dhe flijimin e tyre për vatan. Prej  këtij vendi  të rëndësishëm u shpalos edhe flamuri kuq me një gjatësi prej 3005 metrave, i cili  u mbajt prej1878 të rinj e të reja në një distancë prej 7 km gjer në kompleksin e Lidhjes së Prizrenit në Prizren. Numri prej 1878 vetash paraqit simbolikën e vitit të mbajtjes së  Lidhjes së Prizrenit. Pas kësaj u kthyem në Prizren, dhe në foajenë e Shtëpisë së bardhë në Prizrenit përcollëm nëpërmes ekraneve televizive momentin historik të shpalljes së pavarësisë së Kosovës edhe de jure nga Serbia prej Kuvendit të Kosovës. Fill pas kësaj eskortën nga ndërtesa e "Shtëpisë së Bardhë" e udhëhoqi kryetari komunal drejt Lidhjes së Prizrenit, ku sapo kishte filluar gëzimi dhe hareja dhe në fytyrat e mijëra e mijëra vetëve shkëlqente ndjenja e paparë e gëzimit, të cilët kanë pas rast që të jenë brezi i cili do të përjetojë këtë çast historik, pas shumë brezave të kaluara të cilët u munduan, u angazhuan, sakrifikuan dhe flijuan veten për këtë çast historik. Në kompleksin e Lidhjes së Prizrenit, u bë edhe dorëzimi i flamurit të gjatë 3005 m, nga organizata  e veteranëve të U ? K-ës, kryetarit të Prizrenit Ramadan Mujës. Pas kësaj u marshua drejt sheshit Shadërvan të Prizrenit, ku me një fjalim të shkurtër kryetari i Prizrenit iu prezantua dhjetëra mijëra qytetarëve të tubuar në Prizren duke ju dëshiruar të gëzojnë përherë pavarësinë e Kosovës. Nga të gjitha minaret e xhamive të Prizrenit jehonin lutjet dhe këndimi i verseteve  në shenjë falënderimi për Zotin e madhëruar që na mundësoi të shijojnë dhe të përjetojmë këto çaste të lumtura dhe historike për popullin tonë.  Festimi i nisur vazhdoi gjer në orët e vonshme të natës me këngë e valle të programit enkas të përgatitur nga komisioni kulturës pran Këshillit organizativ të Komunës së Prizrenit.

Me të vërtet ishte kënaqësi e të qenurit shqiptar me 17 shkurt të vitit 2008 kudo në botë, gëzimi dhe hareja ishte kudo prezent ku jetojnë shqiptarët në trojet e tyre etnike, si në Kosovë, Shqipëri, Maqedoni, në diasporë kudo në botë. Ky shpërthim i vullnetit të shqiptarëve kudo që ishin, ishte një akumulim njëshekullor i vuajtjeve dhe përpjekjeve të pareshtura për liri dhe pavarësi të Kosovës së okupuar që nga viti 1912 e gjer më tani nga Serbia. Kjo liri dhe pavarësi e Kosovës u mundësua pas përpjekjes dhe sakrificës së pareshtur të popullit tonë shqiptar, që nga krisma e pushkës së parë kundër okupatorit serb nga Ahmet Delia në vitin 1913 në Drenicë, e gjer në krismën pushkës së Adem Jasharit në vitin 1998 në Prekaz të Drenicës, që vetëflijimi i tij me të gjithë anëtarët a familjes Jashari qe kushtrim i lirisë dhe pavarësisë së Kosovës. Njashtu populli shqiptar do jetë mirënjohës përherë për të gjithë miqve ndërkombëtar, e në rrallë të parë SHBA-ve që  me aksionin dhe luftën  e tyre humanitare në vitin 1999, shporrën ushtrinë dhe policinë serbe nga Kosova dhe mundësuan kthimin e 1milionë shqiptarëve të dëbuar që të rinisin jetën e re nga themelet dhe gërmadhat e mbetura në Kosovës. Nga emrat e shumë dëshmorëve dhe patriotëve që kontribuan për lirinë dhe pavarësinë e Kosovës,  do të kisha veçuar dy persona si më të merituar, të cilët për kuriozitet i mbajnë emrat dhe sinonim të njëjtë, bacë dhe Adem. Njëri është Adem Jashari, personalitet i cili për herë do mbetet i shënuar  në historinë e popullit shqiptar, gjegjësisht flijimi dhe sakrifikimi me tërë familjen e tij për lirinë e popullit shqiptar dhe pavarësinë e Kosovës. I dytë është Adem Demaqi sinonim i përpjekjes dhe rezistencës shqiptare në ish Jugosllavi,  filluar  viteve të pesëdhjeta të shekullit të kaluar, i cili për përpjekjet e tija politike dhe kombëtare për kauzulën shqiptare i  kaloi në kazamatet ishjugosllave plot 28 vjet. Parashikimi dhe "profecia" e tij nga mbrojtja e tij e parë para gjykatës politike të vitit 1958, pas plot 50 vitesh  u realizua dhe u jetësua, ku përveç tjerash  mbrojtjen e tij e përfundoi me fjalë:"...Nëse Serbia do të vazhdojë me këtë politikë ndaj shqiptarëve, një ditë Serbia ka për t'u bërë shkaktare që të shpartallohet krejt Jugosllavia dhe në fund do të mbetet edhe pa Kosovën".

Për hajër ju çoftë të dyve bacëve Adem, që amaneti dhe dëshira e juaj u realizua.                                                                          

 

17.02.2007

 

18.02.2008.islamgjakova.net