Festa e Bajramit është duke u afruar, bashkë me te edhe organizimet e ndryshme apo, siç i quajnë, "Bajram party".

Çfarë duhet të bëjmë që ta mbrojmë emrin "Bajram"? Duhet të mendojmë dhe ta shqyrtojmë këtë ide dhe të gjejmë mënyrën adekuate që këtë festë dhe këto ditë të shenjta t'i mbrojmë nga keqtrajtimet e ndryshme dhe degradimet e tyre në kuptimin shpirtëror, të cilat nga viti në vit, nga Bajrami në Bajram përsëriten.

Edhe këtë vit, para festës së Bajramit, në rrugët e qytetit shihen pllakate, shpallje, lajmërime, thirrje në koncerte dhe argëtime të ndryshme, siç thonë, për hir të festës së Bajramit, duke ia humbur kuptimin e shenjtërisë së ditëve të Bajramit të cilat në vete përmbajnë gëzimin e fuqishëm të besimit duke dëshmuar përulësinë ndaj Krijuesit përmes kryerjes së agjërimit dhe ibadeteve tjera të Ramazanit.

Bajrami është manifestim i gëzimit të besimtarëve i fisnikëruar me përulësinë, devotshmërinë, ndershmërinë dhe durimin në rrugën e mirësisë dhe kryerjes së dispozitave fetare. Andaj ndejat me alkool dhe vallëzim, ku në princip shpeshherë mblidhen të rinjtë, është negacion absolut i Bajramit, si festë fetare.

Prandaj, ne si besimtar nuk mund të jemi indiferent ndaj dukurive të tilla negative ndaj integritetit shpirtëror të nocionit, kuptimit, rëndësisë së Bajramit, komercializimit të pangopur dhe degradimit të tij në çdo pikëpamje.

Nëse nuk kemi mundësi të bëjmë diç më tepër, atëherë së paku mund të kërkojmë që në të ardhmen manifestimet e tilla të mos emërohen me emra të Bajramit dhe të mos quhen "Bajram party".

 

.
përktheu dhe përshtati
Y.Zherka

 

28.02.2008.islamgjakova.net