BabyCenter: Emri Muhamed në mesin e 10 emrave më të njohur të fëmijëve në SHBA

Sipas të dhënave nga kompania mediatike BabyCenter, për herë të parë emri Muhammad është një nga 10 emrat më të njohur të fëmijëve për djem në Shtetet e Bashkuara të Amerikës.

Sipas këtyre të dhënave, emri Muhammad renditet në vendin e 10-të, katër vende më lartë nga viti i kaluar.
Në renditjen e saj gjithashtu kombinohen emra që tingëllojnë njësoj, por kanë shqiptime të shumta (si Mohammad dhe Muhammad).
Emri Muhamed, i cili renditej i 620-ti në listën e emrave në SHBA në vitin 2000, është bërë emri i 345-të më i shpeshtë në vitin 2019.
“Në të shumtën e rasteve familjet myslimane zgjedhin emrin Muhammad për djemtë e porsalindur për të nderuar profetin dhe për t’i sjellë bekimet fëmijës”, ka thënë Linda Murray, kryeredaktore globale e BabyCenter-it, në një njoftim.
Sa i përket emrave për vajza, emri Alije po ashtu ka hyrë në mesin e dhjetë të parëve për emërtimin e të posalindurve në vitin 2019.
BabyCenter thotë se të dhënat e saj vijnë nga pothuajse 600,000 prindër që kanë ndarë emrin e foshnjës së tyre me organizatën në vitin 2019.


Na ndiqni

Lexoni lajmet më të fundit nga rrjetet tona sociale!

Video

Ka filluar mësim-besimi fetarë në rreth 20 xhami të qytetit dhe të fshatrave të Gjakovës