Letra e veçantë e nënës që Mesut Ozil mban në mur

Mesut Ozil është një prej emrave të rëndësishëm në historinë e futbollit. Ozil luan aktualisht me Arsenalin, duke qenë një ndër futbollistët më të paguar të klubit, ndërkohë që gëzon dhe titullin kampion bote me fanellën e përfaqësueses gjermane.

Por rruga e tij deri këtu nuk ka qenë e lehtë, së paku për prindërit, sidomos nënën, e cila ka punuar shumë për t’i mundësuar të birit ecjen para në jetë.

Se sa e rëndësishme është nëna Guzilar në jetën e djalit Mesut, ilustrohet më së miri nga një letër e saj e përshtatur në një prej mureve të shtëpisë së Ozil në Londër.

Ja çfarë shkruhet në të: “Mesut, mos harro bir se ti je thjesht një kalimtar në këtë botë, ashtu si gjithkush. Zoti të ka dhuruar talent, por jo vetëm për veten tënde. Nëse nuk e ndan pasurinë e tua me njerëzit që kanë nevojë për të, atëherë nuk je biri im”.


Na ndiqni

Lexoni lajmet më të fundit nga rrjetet tona sociale!

Video

Program fetar dedikuar ardhjes së Muhamedit a.s. si mëshirë për botën