Arabia Saudite do të izolohet plotësisht gjatë festës së Bajramit

Arabia Saudite do të zbatojë një izolim 24-orësh në gjithë vendin gjatë festës së Fitër Bajramit për të ndihmuar në frenimin e përhapjes së koronavirusit.

Ministria e Brendshme ka bërë të ditur se izolimi do të jetë në fuqi nga data 23 maj, kur nis Fiter-Bajrami, deri më 27 maj, kur edhe përfundon.

Bajrami shënon fundin e muajit të shenjtë të Ramazanit dhe zakonisht festohet me vizita të familjarëve te njëri-tjetri.

“Deri më 23 maj, aktivitetet ekonomike do të qëndrojnë të hapura dhe njerëzit do të mund të lëvizin lirshëm ndërmjet orës 9 të mëngjesit dhe 5 të pasdites”, thuhet në njoftimin e Ministrisë së Brendshme.
Në muajin mars, autoritetet saudite kanë anuluar umren nga frika e përhapjes së koronavirusit, por edne nuk kanë marrë vendim për Haxh, i cili këtë vit i bie në fund të korrikut.


Na ndiqni

Lexoni lajmet më të fundit nga rrjetet tona sociale!

Video

Ka filluar mësim-besimi fetarë në rreth 20 xhami të qytetit dhe të fshatrave të Gjakovës