Rregullimi i botës

Ishte ditë e diele. Burri zgjohet herët në mëngjes merr në dorë gazetën dhe për të hequr lodhjen e një jave të tërë mendon që gjithë ditën ta kalojë në shtëpi.

Por, pikërisht në këtë moment vjen i biri dhe e pyet se kur do të shkojnë në park.

Burri i kishte premtuar të birit se këtë fundjavë do ta çonte në park. Por, ngaqë nuk kishte fare dëshirë që të dilte nga shtëpia atë ditë, ishte i detyruar të gjente një pretekst.

E shikoi gazetën dhe e pa se atë ditë ishte shpërndarë një fletë shtesë me hartën e botës. E mori hartën e grisi në copa të vogla dhe pastaj iu drejtua të birit:

- Po arrite ta rregullosh hartën e botës do të çoj në park!

Dhe mendoi me vete: Shpëtova, edhe profesorit më të mirë të gjeografisë po t'ia japësh këto copa të hartës nuk e rregullon dot para mbrëmjes.

Por, nuk shkuan as dhjetë minuta kthehet i biri me vrap duke bërtitur:

- Baba e rregullova hartën, tani mund të shkojmë në park

Babai në fillim nuk besoi dhe kërkoi ta shikoj me sytë e tij. Por, kur e pa se i biri e kishte rregulluar me të vërtetë hartën, e pyeti i habitur.

- Si arrite ta rregullosh aq shpejtë hartën e botës?

- Shumë thjeshtë, u përgjigj i biri. “Në faqen mbrapa hartës së botës ishte figura e njeriut. Unë e rregullova njeriun dhe në këtë mënyrë u rregullua e gjithë bota.

Twitter Digg Delicious Stumbleupon Technorati
Index ->

Komentet

No Comments!

Komento këtë artikull:

* Emri
* E-mail adresa juaj 1
* Your Comment 2

shkronja të mbetura.

 

Shkruaj kodin:

Captcha

 

* Fusha duhet të plotësohet patjetër


1. E-mail adresa juaj nuk do të publikohet, dhe do të jetë e dukshme vetëm për administratorët e faqës.


2. Islam Gjakova.net e posedon të drejtën e redaktimit, modifikimit dhe fshirjes së komenteve që kanë përmbajtje ofenduese, që fyejnë dikë dhe që nuk i përmbahen temës së artikullit. Gjatë komenteve gjithashtu nuk lejohet reklamimi i ndonjë ueb-faqe.