Shkruan: Fehim Xhafer Dragusha

 

Republika e Maldivës, konsiderohet si një Arkipelag ne formë drejtkëndëshi ku në të dominojnë ishuj të shumtë koralor, të cilët për nga pozita gjeografike shtrihen në Oqeanin Indian.

Republika e Maldivës, shtrihet ne jug perëndim te Indisë dhe Shrilankës.

Shteti i Maldivës, është vend me një sipërfaqe të vogël gjeografike. Numri i saktë i ishujve është 1192. Prej tyre, 200 janë te banuar me banorë vendas, kurse 87 të tjerë, janë vetëm për relaksifikime dhe vizitorë të huaj, e veçanërisht për vizitorët Evropian.

Sipas burimeve gjeografike, Republika e Maldivës ka 26 rajone, mirëpo vetëm 19të prej tyre administrohen nga ky shtet, dhe për këtë arsye, në librin e "Prof Muhammed Aved" janë cekur vetëm 19të, si ishuj dominues te këtij vendi.

Kryeqyteti i Maldivës është " Mali" dhe shkruhet: "Male"

Banorët e Maldivës, flasin gjuhën e tyre, të ashtuquajtur "Sunhali" si dhe gjuhën angleze, mirëpo si gjuhë zyrtare konsiderohet gjuha "Sunhali", përkrah gjuhës zyrtare dhe asaj angleze, ne Maldivë zë vend edhe gjuha arabe, e cila konsiderohet si gjuhë e tretë e këtij vendi dhe është e përhapur tek dijetarët, si dhe studentët e mësimeve islame.

Banorët e vendit janë të ndarë ne tri raca (origjina):

 

1-Racë Sunhali

2-Racë Dirafdi

3- Racë Arabe

 

 

Kur të flasim për besimet fetare si dhe shkollat juridike (medh'hebet) në shtetin e Maldivës, mund të themi se të gjithë banorët e këtij vendi i përkasin besimit Islam dhe praktikojnë Shkollën Juridike Shafiite (Mez'hebin Shaafii).

Poashtu, në këtë vend, krahas myslimanëve, vërejmë një numër të vogël të besimtarëve krishterë. Banorët vendas, për të gjitha problemet dhe çështjet e tyre jetësore gjykohen sipas Legjislacionit (Sheriatit) Islam.

Megjithëse feja islame është fe zyrtare e shtetit, andaj nuk ua lejon të drejtën e kombësisë atyre që janë jomyslimanë. Banorët e Maldivës që i përkasin fenave tjera, u lejohet e drejta e qëndrimit ne këtë vend si dhe e drejta e punësimit

Maldiva, është vendi i dytë Islam pas Indonezisë. Njëherit është Shtet Republikan. Dikur ishte nën sundimin e Britanisë së Madhe dhe në vitin 1965 fiton Pavarësinë.

Është vend shumë i nxehtë dhe me lagështirë. Ekonomia e Maldivës është e varur nga Peshkimi dhe Turizmi. Poashtu ka të ardhura në fushën e pemëtarisë, si: Arrë Indie dhe Fruta, ndërsa përqindja e punimit të tokës është vetëm 10%.

Do theksuar se afro 80% e fuqisë punëtore është e koncentruar ne sektorin e peshkimit. Të ardhurat vjetore për një person arrijnë shumën: 600$. Rinia e Maldivës është e shkolluar bukur mirë dhe sistemi arsimor është paralel me atë të Britanisë së Madhe. Analfabetizmin mund ta hasim tek moshatarët, ku përqindja e tyre është e vogël, vetëm 7% prej tyre nuk njohin shkrim leximin.

Kur të flasim për besimet e tyre të mëparshme, si popull menjë numër shumë të vogël të banorëve kishin pranuar budizmin. Prezencën e kulturës dhe traditës budiste në Maldivë, e vërtetuan gjurmimet e lashta arkeologjike, të bëra gjatë mijëvjeçarit të parë. Tash veç ka mbaruar zbulimi i disa statujave dhe ikonave budiste dhe ky zbulim nxiti në shtimin e marrëdhënieve të mira kulturore ndërmjet Maldivës dhe Indisë .

 

Depërtimi i Fesë Islame

 

Në vitin 85 hixhrij - 704 miladijj - drita e islamit ndriqoi edhe ishujt e Maldivës. Feja Islame u përhap përmes Tregtarëve Arab, të cilët kishin ardhur në ato ujdhesa dhe në mes të shekullit pesë hixhrijj, banorët e Maldivës në përgjithësi përqafuan fenë e vërtetë islame, sëbashku me mbretin (sulltanin) e këtij vendi. Si thirrës ( Daa'i ) që derdhi mundin e tij ne përhapjen e islamit ishte: "Ebu El-berekat Júsuf El-beririj" i cili kishte ardhur ne Maldivë nga popujt e "Berir El-katinin" nga Afrika veriore.

Është me rëndësi për tu cekur se Sulltani i Maldivës, meqë kaloi ne fenë e pastër islame, ai e emëroi vetën e tij më emër islam: "Muhammed bin Abdilah " pasi që emri i tij para ardhjes së Islamit ishte: (Taaruumaa Santaaraa Sexhiinaanuu).

 

FALJA E NAMAZEVE DHE XHAMITË E MALDIVËS

 

Siq u cek edhe me lart, banorët e Maldivës praktikonin Medh'hebin e Imam Shafi'iut (Allahu qoftë i kënaqur me te). Nuk kemi hasur që ne këtë vend te ketë edhe shkolla tjera juridike, si ajo e Imam Ebu Hanifes (rahimehullah). Namazi falet me xhemat. Për faljen e namazit të xhumas, në ora 11, të gjitha qendrat tregtare mbyllen. Ligjërata e xhumas fillon në ora 12:30 dhe në çdo ishull gjenden xhami të shumta. Vetëm ne kryeqytetin Malé, ekzistojnë më shumë se 30 xhami. Sipas statistikave te vitit 1991, Maldiva numëronte 990 xhami .

 

 

Sa i përket numrit të banorëve, Maldiva ne vitet 1990 ka numëruar mbi 213,215 banorë, ndërsa në vitet 1994-1995 numri i banorëve u shtua dukshëm, ku numëroi afro 252,077 banorë. Në vitin 2000, numri i banorëve kishte kaluar shifren mbi 400,000 banorë . Për sa i përket numrit të muslimanëve, në këtë vend, të gjithë banorët i përkasin fese islame dhe ne bazë te numrit të banorëve mund të konkludojme edhe numrin e muslimanëve

Abdullah Mubeshir Ettarazi , Faqe 93 - Shiqo edhe : Meshhur Hassen Hamud , Faqe 339 .

Maldivë është emër Arab.

Meshhur Hassen Hamud , Faqe 338 .

Abdullah Mubeshir Ettarazi , Faqe 92 - 93 .

Abdullah Mubeshir Ettarazi , Faqe 93 - Shiqo edhe : Meshhur Hassen Hamud , Faqe 339 .

Abdullah Mubeshir Ettarazi , Faqe 93 - Shiqo edhe : Meshhur Hassen Hamud , Faqe 339 .

http://en.wikipedia.org/wiki/Islam_in_Maldives / kjo statistikë është marrë me datën: 07/06/2006. ora 12:54.

http://countrystudies.us/maldives/4.htm / kjo statistikë është marrë me datën: 07/06/2006. ora 13:26.

http://www.religioustolerance.org/rt_maldive.htm / ky shënim është marrë nga ky link me datën: 07/06/2006, ora: 13:00.

 

 

 

 

 

21.06.2006.islamgjakova.net