Myderriz Fahri Efendi Iljazi ishte njëri prej hoxhallarëve më të ditur jo vetëm të Gjakovës, jo vetëm të Kosovës, por i dalluar ndër më të shquarit në të gjitha trojet shqiptare. Është i biri i Myderriz Iljaz Efendiut, lindi në Gjakovë në vitin 1903.

Mësimet fillestare i kreu në Gjakovë, ku në moshën 11 vjeçare e mori titullin e nderuar Hafiz, rast tepër i rrall në këtë moshë. Por , kur do Zoti, çdo gjë bëhet! E mësoj Kur'anin e Shenjtë përmendësh nga i ati, Myderriz, Hafiz Iljaz Efendiu, i cili i ka kryer studimet në Stamboll dhe ishte dijetari më i madh i kohës, ishte edhe Hafiz që nga mosha 9 vjeçare.

Fahri Efendi Iljazi e kreu Medresen "Mehmed Pasha" të Prizrenit, ku studioj me zell të madh pranë dijetarit të dëgjuar Myderriz Nysret efendi Galibit, që ishte Myfti i Prizrenit, ku e fitoi edhe titullin Myderriz.

Shërbimet: Myderriz Fahri Efendi Iljazi ka shërbyer kryesisht në Gjakovë si imam , kryeimam dhe nga janari i vitit 1930 deri më 1948 si Myderriz

kryesor i Medresës së Madhe të Gjakovës. Shumë prej nxënësve të tij u bënë dijetarë të njohur, atdhetarë të shquar, si Mulla Zekë Bërdynaj, Hafiz Muhamed Gashi, etj. Ka qenë pedagog i rrall, studiues i pasionuar, njihte shumë mirë gjuhët orientale, në veçanti gjuhën arabe.Është marrë edhe me tesavvuf, dimension shpirtërorë i fesë, ishte në shkallë të lartë. Predikimet e tij ishin në nivel superior, dëgjoheshin me shumë vëmendje dhe rrespekt, gjithnjë ishte i përgatitur. Ka lënë në dorëshkrim veprën:"Komentimi i Sures Ja Sin".

Emri i Myderrizit Fahri Efendiut, si një dijetar i rrall e me autoritet të madh, përmendet me respekt edhe sot e kësaj dite, që nga Shkodra e deri në Sarajevë, nga Shkupi deri në Stamboll.!

Ndërroi jetë në moshën 82 vjeçare, më 19 nëntor 1985, në Gjakovë. U varros me nderime të mëdha , që nuk mbahen në mend deri në atë ditë, në Xhaminë e Hadumit.

Zoti e shpërbleftë me Xhennet! Amin!!  

 

 

 

 

Mexhid Yvejsi

 

 

 

 

islamgjakova.net