Krenohem që jam në fillim, Sepse ka të atillë që ende s'kanë filluar! Krenohem që më shikojnë, Sepse ka të atillë që nuk vërehen! Krenohem që më duan, Sepse ka të atillë që nuk përfillen! Krenohem që më nxeh Dielli, Sepse ka të atillë që janë të ngrirë! Krenohem që më bën dritë Hëna, Sepse ka të atillë që janë në errësirë të plotë! Krenohem që i dua yjet, Sepse këta janë një mrekulli e rrallë! Krenohem që kam pak dituri për të shkruar, Sepse ka të atillë që nuk e dinë se çka është lapsi! Krenohem që kam mundësi për të ecur, Sepse ka të atillë që u mungojnë këmbët! Krenohem që jam falënderues, Sepse ka shumë që nuk janë të këtillë! Krenohem që jam i përulur, Sepse ka të atillë që koka u prek në qiell...! Krenohem që jam i varfër, Sepse të këtillët do të hyjnë në Xhennet më përpara! Krenohem që më është bërë zullum, Sepse të këtillëve u pranohet duaja! Krenohem që jam në mesin tuaj, Sepse ka të atillë që i ka mbuluar dheu! Krenohem që jam i buzëqeshur, Sepse ka që janë të ndryshkur nga shtrëngimi i muskujve të fytyrës! Krenohem që jam krenar, Sepse ka të atillë që nuk e kanë shijuar krenarinë! Krenohem që dora ime është që jep, Sepse ka të atillë që janë verbëruar pas marrjes! Krenohem që kam synime të mëdha, Sepse ka të atillë që synimet u maten me milimetra! Krenohem që jam i sprovuar, Sepse të këtillët i do Zoti! Krenohem që meditoj, Sepse ka të atillë që përtojnë për të medituar! Krenohem që i përgjigjem ezanit, Sepse ka të atillë që as që e dëgjojnë! Krenohem që frymoj lirshëm përkundër zënësive, Sepse ka të atillë që, përkundër lirisë, frymojnë me vështirësi! Krenohem që jam vetëm rob i All-llahut, Sepse ka të atillë që janë të robëruar prej njerëzve! Krenohem që në jetën time mbizotëron qetësia, Sepse ka të atillë që janë të gulfatur nga shqetësimet! Krenohem që rrugët më duken të shkurtra, Sepse ka të atillë që vazhdimisht u zgjaten rrugët! Krenohem që e synoj majen, Sepse ka të atillë që kanë kahje të kundërt! Krenohem që nuk jam i ngurrtësuar, Sepse ka të atillë që për kohë të gjatë nuk lëvizin prej vendi...! Krenohem që jam krijuar prej dheut, Sepse të këtillët janë më të përulur! Krenohem që jam i vdekshëm, Sepse si i tillë jetoj më përgjegjshëm! Krenohem që të kam Ty o Zot,Sepse ka atillë që as mendja nuk u shkon te Ti!

 

 

 

Arsim JONUZI

 

23.03.2008.islamgjakova.net