Joe Leigh Simpson, Profesor dhe kryetar i Departamentit të Obstetrikës dhe Gjinekologjisë, në Kolegjin e Mjekësisë Baylor, Houston, në Teksas të SHBA

"Nga këto dy thënie të Muhammedit a.s. mund të nxirren në mënyrë precize ndryshimet që i pëson embrioni në 40 ditët e para. Një gjë e tillë u vërtetua edhe nga biseduesit e ditës së sotme. Këto të vërteta shkencore që përmbajnë hadithet, nuk njiheshin në atë kohë, prandaj ato s'janë të bazuara në dijet a asaj kohe. Këto thënie të Muhammedit a.s. janë reflektim i njohjes (shpalljes) hyjnore"- ka thënë Joe Leigh Simpson.

ISLAMI DHE SHKENCA

Falënderimi i takon Allahut, Zotit të të gjitha botëve. Paqja dhe shpëtimi qoftë mbi të dërguarin tonë, Muhammedin a.s., familjen, shokët dhe ata që e ndjekin rrugën e tij derisa të jetë jeta.

Mendimi perëndimor zhvilloi një betejë të fortë dhe të rreptë mes fesë dhe shkencës. Dijetari perëndimor s'mund të pranojë se ekziston përputhshmëri midis fesë dhe shkencës. Dhiata e Vjetër thotë se pema që iu ndalua Ademit a.s. në Parajsë, Xhennet, ishte pema e "njohjes" dhe Ademi a.s., pasi hëngri frytet e saj, sipas Dhiatës së Vjetër fitoi "aftësinë e njohjes".

Për këtë arsye evropianët më shumë se dy shekuj diskutuan rreth pranimit ose mospranimit të arritjeve shkencore të cilat vinin nga vendet muslimane. Këto lloj dijesh konsideroheshin nga priftërinjtë mëkat shumë i madh. Dëshmi për këtë sipas tyre ishte pema "e njohjes", me ngrënien e frutave të së cilës, Ademi a.s. fitoi "aftësinë e njohjes" gjë që sipas tyre ai fitoi zemërimin e Allahut dhe u dëbua nga Parajsa.

Për këtë arsye dijetarët perëndimorë refuzuan dijet shkencore të botës muslimane, madje i luftuan ato, duke i konsideruar mëkat. Por, më vonë, në perëndim, kur dijetarët fituan betejën ndaj kishës dhe inkuizicionit të saj, për t'u hakmarrë ndaj saj ata hodhën poshtë çdo gjë që kishte të bënte me fenë...

Prandaj, kur njeriu flet me një dijetar perëndimor mbi lidhjet që ekzistojnë mes fesë dhe shkencës, ai i befasuar thotë: Ç'thua ?! S'ka mundësi!!

Dijetarët perëndimorë nuk e njohin fenë islame. Ata nuk e dinë se Islami lartësoi dijen dhe dijetarët. Islami dijetarët i bëri dëshmitarë menjëherë pas engjëjve, që dëshmojnë se s'ka Zot tjetër veç Allahut (i cili është Një, s'ka lindur dhe s'është i lindur. Askush dhe asgjë s'është i barabartë me Allahun).

Allahu i Madhërishëm në Kur'anin famëlartë, thotë: "Allahu dëshmoi se nuk ka Zot tjetër përveç Tij, këtë e dëshmuan edhe engjëjt e dijetarët. (Ali Imran, 18) "Dije se nuk ka Zot tjetër përveç Allahut." (Muhammed, 19)

Kur ne flasim me një dijetar perëndimor mbi fenë islame dhe shkencën, ai mendon se ekziston i njëjti raport siç është në mes fesë së tyre dhe shkencës.

Më pas ata mbesin të mahnitur, kur hasin në fenë islame të vërtetat e qarta dhe të pakundërshtueshme shkencore. Një ndër ata dijetarë është edhe
Joe Leigh Simpson, Profesor dhe kryetar i Departamentit të Obstetrikës dhe Gjinekologjisë, në Kolegjin e Mjekësisë Baylor, Houston, në Teksas të SHBA.

Kur u takuam në fillim, ai dyshonte nëse këto citate ishin në Kur'an dhe në thënie të Muhammedit a.s. Pasi e vërtetoi një gjë të tillë dhe u ndesh me citatet kur'anore, që flasin mbi gjenet dhe ndryshimet që pëson embrioni në periodat e para, kur ai është pikë uji etj. Pastaj pa përshkrimin preciz që i bën Kur'ani krijimit të njeriut, si dhe vetitë që trashëgohen nga këto kromozome.

Në këto kromozome gjenden cilësitë e njeriut që do të lindë; ngjyra e syve, e lëkurës, e flokëve dhe shumë cilësi të tjera. Pra, njeriu që në këto kromozome është i përcaktuar.

Këto kromozome janë në fazën, kur embrioni është një pikë uji. Kjo do të thotë se njeriu është i përcaktuar që kur embrioni është një pikë uji.

Allahu i Lartëmadhëruar në Kur'an thotë: " ... sa mohues i forte është ai (njeriu)! Prej çka e krijoi Allahu atë? Atë e krijoi prej një pikë uji dhe e përcaktoi" (Abese 17,18)

Në embrion gjatë 40 ditëve të para formohen të gjitha organet dhe të gjitha pjesët janë të ngjitura njëra me tjetrën. (fig. 10).

Pra, organet fillojnë të krijohen dhe embrioni ka formën e harkut.

I dërguari i Allahut, Muhammedi a.s. thotë: "Vërtet çdonjëri nga ju formohet në mitrën e nënës së tij në dyzet ditët e para... "

Profesor Joe Leigh Simpson e mori këtë hadith dhe hadithin tjetër, ku Muhammedi a.s. thotë: "Kur embrioni i kalon 42 ditë Allahu e dërgon engjëllin për t'i dhënë formën atij ". Ai bëri krahasimin mes këtyre 2 thënieve të Muhammedit a.s. dhe konstatoi se ajo që i ndante këto dy hadithe ishte numri 40.

Prof. Simpson pasi i pa këto të dhëna të detajuara dhe precize, në një simpozium, shprehu mendimin e tij rreth kësaj çështjeje, duke thënë: "Nga këto dy thënie të Muhammedit a.s. mund të nxirren në mënyrë precize ndryshimet që i pëson embrioni në 40 ditët e para. Një gjë e tillë u vërtetua edhe nga biseduesit e ditës së sotme. Këto të vërteta shkencore që përmbajnë hadithet nuk njiheshin në atë kohë, prandaj ato s'janë të bazuara në dijet a asaj kohe. Këto thënie të Muhammedit a.s. janë reflektim i njohjes (shpalljes) hyjnore".

PROF. EZ ZENDANI

Ai gjithashtu thotë: Feja mund t'i paraprijë shkencës në mënyrë të suksesshme!

Mos të harrojmë se disa fe mbajnë qëndrim negativ ndaj shkencës. Por ky profesor thotë se feja mund t'i paraprijë shkencës me sukses dhe ai ka parasysh fenë islame.

Nëse hyjmë në një fabrikë dhe në dorë kemi katalogun, me lehtësi do të kuptojmë atë që është në të. Ndërsa ai që hyn në fabrikë dhe s'ka asgjë në dorë, s'do ta ketë të lehtë të kuptojë atë që është në të.

PROFESOR Joe Leigh Simpson u drejtohet dijetarëve me këto fjalë: Unë besoj se s'ka kundërshtim mes njohurive shkencore dhe shpalljes islame. Islami i përkrah dhe i nxit metodat shkencore. Shpallja kur'anore që iu zbulua Muhammedit a.s., para 1400 vjetësh aludon në të vërtetat shkencore rreth të cilave u diskutua në simpozium. Kjo dëshmon se: KUR'ANI ËSHTË FJALË E ALLAHUT.

PROF. EZ ZENDANI

Po... Muslimanët përsëri mund të jenë pishtarët e dijes, sikurse ishin më parë, duke ia dhënë dijes vendin që meriton ajo dhe duke e bërë "dijen" dëshmi për besimin në Allahun, xh.sh. Zotin e universit, dhe në vërtetësinë e pejgamberisë së Muhammedit a.s.

Të vërtetën e thotë Allahu i Madhëruar: "Ne do tua bëjmë atyre të mundshme që të shohin shenjat Tona në horizonte dhe në veten e tyre derisa t'u bëhet e qartë se Kur'ani është i vërtetë. A nuk mjafton që Zoti yt është dëshmitar për çdo gjë!" (Fussilet, 53)

"Në emër të Allahut, Bamirësit të përgjithshëm, Mëshiruesit!"
"E atyre që a është dhënë dija, e dinë se kjo që të është shpallur nga Zoti yt, është e vërtetë dhe udhëzon në rrugën e të Gjithëdijshmit dhe të Lavdëruarit." (Sebe, 6)

 

Përktheu: Ajni Sinani

 

27.04.2008.islamgjakova.net