Japonezët atdheun e tyre, të cilin e duan shumë e quajnë Nipon, që në gjuhën shqipe do të thotë Vendi i lindjes së diellit.Por , në japoni po shëndrit një diell tjetër, rrezet e të cilit po i ngrohin zemrat dhe po i ndriçojnë shpirtrat e qindra, mijëra japonezëve, në çdo skaj të vendit të tyre aq të zhvilluar ekonomikisht dhe me teknologji aq të sotisfikuar. Është ky diell, Dielli i Fesë Islame.!

Sivjet mbushen 108 vjet nga ajo ditë e bekuar, kur një japonezë e pat pranuar Fenë Islame, më 1896, që shënohet si një ditë me rëndësi historike në Japoni! Sipas Ebu Bekër Morimotus, historian, ekspert për Historinë Islame në Japoni, japonezi i parë që e kishte pranuar Fenë Islame ishte Hachiro Ariga, i cili ishte bërë musliman në vitin 1896, në Bombei, Indi.

Kurse haxhiu i parë nga Japonia, që kishte shkuar për vizitë në vendet e shenjta, Mekke dhe Medine, sipas urdhrit të Krijuesit të Gjithësisë, ishte një djalosh që kishte 29 vjeç dhe quhej Umer Jamavika. Ky haxhi, i pari në Japoni, e kishte vizituar Kaben e Bekuar dhe kishte bërë ibadet aty në vitin 1909.

Në Japoni për nevojat shpirtërore dhe për zhvillimin e veprimtarive të ndryshme fetare-kulturore, u ndërtua edhe xhamia e parë, që në vitin 1935, në qytetin Kobe, kurse tre vjet më vonë, më 1938 u hapën themelet e xhamisë së kryeqytetit, Tokios.

Në vitin 1941, pasi shumë të rinj japonezë kishin pranuar Fenë Islame, rinia islame e këtij vendi e pa të dobishme të organizohen dhe kështu e themeluan Shoqatën e Studentëve Muslimanë. Më vonë u themeluan edhe shoqatat e qendra islame nëpër qytete të ndryshme ku të gjitha kishin të njëjtin qëllim përhapjen e Fesë Islame në Japoni. Këta besimtarë japonezë, me punën, sjelljen e shembujt personalë po ndikojnë në popullatën japoneze dhe kanë suksese të vazhdueshme në përhapjen e Fesë Islame. Si fryt i kësaj veprimtarie të organizuar, për çdo ditë po shtohet numri i besimtarëve muslimanë japonezë, që vijnë nga shtresa të ndryshme të shoqërisë japoneze; ka studentë, punëtorë intelektualë të lëmenjve të ndryshme dhe ndonjë shkencëtar!

Listës së gjatë të të konvertuarve iu shtua edhe një zonjushë japoneze, e cila pasi e pranoi Fenë Islame e ndërroi emrin dhe tani quhet Fatime Kazue. Kjo zonjushë e ndershme, pasi u bë muslimane dhe e përqafoi Islamin, e dha këtë dekleratë:

"Pasi filluam ta pranojmë stilin amerikan të jetës, edhe unë ndjeva se diçka po më mungonte, po më shqetësonte... Në fillim nuk e kisha të qartë se ç'më mungonte, ç'më shqetësonte. Ishte ky qëllimi i pastër që kisha në shpirt që më dha përgjigjen ndaj këtij shqetësimi...!

Isha fatlume që u njoha me një besimtar musliman, i cili banonte përkohësisht në Tokio. Sjellja e tij e shkëlqyeshme dhe mënyra e adhurimit që ia bënte Zotit më lanë përshtypje të thellë dhe u bëra kureshtare, aq sa u detyrova t'i shtroja shumë pyetje.

Përgjigjjet që m'i dha ishin të sakta, të drejta, të kënaqshme dhe aq bindëse saqë më transformuan menjëherë! Ky transformim më solli një qetësi, rehati, në mendje e në shpirt! Kurrë nuk kam menduar e as që do të besoja se jeta ime do të ndryshonte aq shumë dhe aq shpejtë, ashtu siç ndodhi me mua kur fillova të jetoj si besimtare muslimane..."

Përshtypje të veçantë zonjushës Fatime i ka lënë përshendetja islame: "Es - Selamu Alejkum", për të cilën thotë: "Shiko si përshendeten muslimanët: "Es- Selamu Alejkum ve Rahmetull-llahi ve Berekatuhu"

(Paqja, Mëshira dhe Bekimi i Zotit qofshin mbi ju). Kjo përshendetje nuk u gjason atyre të tjerave si "mirëmëngjesi" apo si "mirëdita" që i ka bota, të cilat kufizohen me mëngjesin ose me një pjesë të ditës dhe që kanë vetëm kuptim materialist. Këto përshendetje nuk përmbajnë ndonjë urim ose dëshirë të përhershme dhe as që kanë ndonjë lutje Zotit për bekim...!

Nga miku im musliman unë mësova shumë gjëra të dobishme, si nga ana teorike ashtu edhe nga ajo praktike, që të jem një besimtare e devotshme. Unë e dua shumë mënyrën Islame të jetësës, jetesë e cila është e pastër, e thjeshtë dhe kryesisht paqëdashëse!

Jam plotësisht e bindur se vetëm Feja Islame mund të sjellë paqe, paqe për çdo njeri, për çdo shoqëri. Vetëm Feja Islame mund t'i sjellë paqe mbarë botës, për të cilën njerëzimi ka aq shumë nevojë."

Në fund të dekleratës, zonjusha Fatime thotë:

"Jam shumë e lumtur që po e gëzoj këtë paqe dhe po përpiqem, aq sa kam mundësi, ta përhapë Fenë Islame në Japoni, në mesin e popullit tim...!"

 

 

 

Shkoqitur nga libri "Prej errësirës në dritë" nga Mexhid Yvejsi

 

 

 

 

 

 

islamgjakova.net