Pyetje paksa dogmatike por e realët në mesin e miliona pyetjeve që ia bëjmë vetes për çdo ditë kur të dalim në pasqyrë. Uverturë e sintezës dhe moralit është rroli i pandashëm i njeriut si mikrokozmos në këtë qiell të realizmave. Kësaj pyetje u munduan t`i gjejnë përgjigjen filozofët, dogmatikët, pragmatistët, por përgjigjen që jep Islami nuk mundet ta sjell kush.

Thotë i Madhërishmi në Kur'an: "Unë nuk i krijova xhinët dhe njerëzit për tjetër pos që të më adhurojnë."(Edh-Dharijat:56)

All-llahu vulosi zemrat e robërve të Tij duke i bërë obligim adhurimin ndaj Tij dhe nënshtrimin e plotë. Filozofia e jetës mbështjellet në këtë ajet kur'anor ku qartas na bëhet rrugëtimi ynë nëpër të gjitha peripecitë e jetës. Nuk do të kishte domethënie jeta jonë sikur të mos ekzistonte ky ajet kur'anor që na qartëson përballjen tonë me problemet e panumërta në shoqërinë njerëzore. All-llahu na bëri mëkëmbës në tokë , një përgjegjësi e rënd që e bartë njeriu mbi supet e veta duke ekzagjeruar çdo histerie nën thundrat e dhelparakut. Ky ajet kur'anor na tregoi edhe njëherë koloritin e krijesave që veprojnë dhe frymojnë në rruzullin tokësor, krijesa të dukshme dhe të padukshme. Sikur të mos ishte perceptimi i drejtë i shprehur përmes këtij ajeti kur'anor muslimanët sot do të terrorizonin një botë të tërë. Kompleksiteti i shprehur në formë imperative na ngjallë shpirtrat e vdekura mbi trupa të cunguar. All-llahu ta qartësoi intelektin , ta sfidoi mendjen dhe ta qetësoi zemrën me këtë ajet kur'anor. Secili njeri në këtë botë ka për obligim që ta jetësoj këtë imperativ Krijuesi duke mos harruar në indinjatën e thellë të mentalitetit të brishtë të Shejtanit.

All-llahu xh.sh. qartësoi rrugën dhe qëllimin e jetës të të gjitha qenieve në rruzullin tokësor. Ai tregoi rrugën se kah duhet të kalohet për të arritur kënaqësinë e Pafundme të Tij , mundësoi lehtësime duke e futur në funksion sistemin e pendimit. Eh , sikur t'i numëronim benificionet e tij do të zhdukeshin atomet në gjithësi nga elektriciteti i fuqishëm që ngjallë konturat e brendshme të individit dhe shoqërisë. Por , individi dhe shoqëria që si trung kanë dobësinë ia kthyen shpinën Krijuesit dhe rrolit të vërtet për të cilin janë krijuar. Për të mirën e njerëzimit dhe krijesave tjera All-llahu sjelli shumë Pejgamberë që t'i ftojnë njerëzit kah qëllimi i vërtet dhe i vetëm i drejtë. Por ato të lajkatuar nga Shejtani ia kthyen shpinën duke i përbuzur dhe nënçmuar.

Thotë i Plotfuqishmi në Kur'an: "Ata veprat e tyre i asgjësuan në këtë botë dhe në botën tjetër, ata nuk kanë ndonjë mbrojtës." ( Ali Imran:22)

Mufesiri i famshëm shqiptar Hafiz Ibrahim Dalliu rreth këtij ajeti kur'anor thotë: "Zoti tregoi zhvlerësimin e punëve të mira të atyre që mohojnë argumentet e Zotit dhe që vrasin Pejgamberët e shokët e tyre , për të treguar se mohimi i tyre nuk vjen prej ndonjë shkaku , por vetëm prej kokëfortësisë." (Më gjerësisht shih: Ajka e kuptimeve të Kur'ani Kerijmit, Hafiz Ibrahim Dalliu, Tiranë 2005, fq.306)

All-llahu e shpërbleftë Hafizin për sqarimin e këtij ajeti të All-llahut. Vërtet kjo botë pati shumë njerëz që mohuan të Vërtetën dhe ia kthyen shpinën asaj. Ata i bënë dëm vetes, por u munduan të shkaktojnë dëm edhe në mesin e atyre që thërrasin në të Vërtetën duke i penguar nga kjo rrugë e shenjtë e cila e bënë njeriun njeri dhe ia mëson dhe qartëson se prej nga kemi ardhur në këtë botë , pse kemi ardhur, pse jetojmë dhe ku do të shkojmë? Pyetje këto të shpeshta në mesin e ateistëve të shumtë në këtë dynja.  

Edhe sikur t'ia sjellësh argumentet kokëfortëve dhe mendjemëdhenjve ata nuk do besojnë dhe do të prapësohen. Janë renditur në ushtrinë e djallit dhe normal synimi i Tij ( Djallit) është që të paraqitet si pengesë në rrugën që thërret njeriu kthimi kah rroli i vërtet në këtë botë. Ithtarët e djallit nuk ka dyshim se do të kundërshtojnë thirrjen.

Thotë i Lartësuari në Kur'an: "E mos bëni mendjemadhësi ndaj All-llahut, unë sjell argument të sigurt." (Ed-Duhan: 19)

Njeriu në këtë botë ka një mori qëllimesh që përshtaten me qëllimin final , arritjen e kënaqësisë së Zotit dhe përfundimisht fitimin e xhennetit. Por , pati nga ato që lansuan një tjetër qëllim në këtë botë pak me ndryshe se jeta për ta fituar xhennetin. Ata nuk mërziten se a do shkojnë në xhennet ose në xhehennem , por urdhrat e All-llahut i jetësojnë me një ndershmëri dhe përpikëri të madhe. Ato nuk merakosen fortë për Djallin dhe në këtë mënyrë vazhdimisht ia hudhin prangat atij. Jeta e tyre është e thjeshtë në këtë botë , bëjnë shumë zhurmë , por zhurmën e tyre turpërohet ta dëgjojnë edhe veshët e tyre. Dallimi i të bardhit prej të ziut është në Devotshmëri.

E përfundojmë këtë shkrim me këtë ajet kur'anor: "E kush nuk i përgjigjet atij që thërret në rrugën e All-llahut, ai nuk është i pamposhtur në tokë dhe pos Atij, ai nuk ka mbrojtës, të tillët janë në një humbje të hapët!"( El-Ahkaf:32)  

 

 

 

Hamdi NUHIJU

Kumanove 19 12 2007

 

22.12.2007.islamgjakova.net