"Nuk ka gjë më të mirë pas fesë se sa një shok të sinqertë"

Miqësia është si një faltore ku ne strehohemi ku gjejmë lehtësim dhe ngushëllim, është po ashtu një dhuratë speciale e bekuar nga Zoti.

Atëherë kur përditshmëria jonë më s'ka shije, atëherë kur lodhemi nga jeta dhe nga të qenurit krijesë që pati fat të shkelë tokën, mu atëherë ne gjejmë një ''KRAHË'' për mbështetje, e ajo është shoqëria..

Mik i vërtet është ai që të pranon ashtu si je, që kënaqet kur ti ke ecën përpara, që dëshiron për ty atë që ia do vetes, dhe s`të lëshon prej dore kur ti dështon..

Ndonjëherë edhe fjalët nuk duan të ndërhyjnë për të prishë qetësinë që mbisundon mes miqve, kjo pasi qetësia miqësore flet vetvetiu.
Shoqëri apo miqësi do të thotë edhe përgjegjësi, përderisa dikush nga mesi i shumë shokëve të ka zgjedhur ty si mik më të afërt, kjo do të thotë që ai rezervon një krahë për mbështetje..

Allahu xh.sh. iu drejtua Pejgamberit s.a.v.s me këto fjalë: "Përkufizoje veten tënde me ata që lusin Zotin e tyre në mëngjes e mbrëmje, e që kanë për qëllim kënaqësinë e Tij, e mos i hiq sytë e tu prej tyre e të kërkosh bukurinë e kësaj bote, dhe mos iu bind atij që ia kemi shmangur zemrën e tij prej përkujtimit ndaj nesh, dhe i është dhënë epshit të vet, pse puna e tij ka mbaruar. (el- Kehf / 28 )

Një hadith kudsij thotë: Dashuria ime është për ata njerëz që duhen për hatrin Tim, dashuria ime është për ata njerëz që ulen me njëri tjetrin për hatrin Tim, dashuri ime është për ata njerëz që vizitojnë njëri-tjetrin për hatrin Tim, dashuria ime është për ata njerëz që ndihmojnë njëri-tjetrin për hatrin Tim...

Mund t'i bësh disa pyetje vetes: a je një mik i mirë, dhe a ke miq të sinqertë përreth ?? A je aty ku shoku yt më së shumti ka nevojë?

Pejgamberi s.a.v.s në një hadith thotë: "Ditën e kiametit do të vendosen rreth Arshit podiume prej drite, mbi të cilat do të qëndrojnë njerëz që kanë veshur rroba prej drite dhe fytyrat u ndriçojnë. Nuk janë as Pejgamber e as dëshmorë, por vet Pejgamberët dhe dëshmorët i kanë zili, e pyetën kush janë këta o i Dërguari i Allahut? Këta janë ata njerëz që kanë dashur njëri tjetrin për hir të Allahut, jo për shkak të gjakut dhe miqësisë, e as për shkak të pasurisë dhe posteve...

Vallë a dëshiron së paku njëherë të ulesh rreth Aarshit në podium prej drite dhe të të ndriçoj fytyra jote para Krijuesit tënd?? Sigurisht se donë. Atëherë mos u vono, zgjidhe një krahë për mbështetje... Një Mik të mirë. Dhe mos harro se shoku yt është pasqyra jote, dhe e kundërta.

"Më trego me kënd shoqërohesh, të tregoj si je ..."

 

 

 

Nga gjuha angleze: Hafsa XHEMAILI , TETOVE

 

 

 

 

05.03.2008.islamgjakova.net