Rrahman FERIZI

Dialog mes udhëtarit dhe taksistit në veturën e të cilit gjendej një Kur'an!

Udhëtari: Duket se je musliman dhe e donë Kur'anin ?

Taksisti: Po e dua Kuranin, mirëpo e mbajë si bereqet nga taksiratet .

Udhëtari:Çka mendon sikur të kishe një gotë mjaltë në raft a do ta kishe shijuar atë apo do ta mbaje për hijeshi?

Taksisti: Po, do ta kisha shijuar atë.

Udhëtari: Inshalla do ta shijojmë për disa qaste nektarin e Kur'anit Famëlartë ndoshta do të jetë udhëtimi më i lehtë !

Taksisti: Patjetër, unë me dëshirë do të dëgjoj

Udhëtari: Thuhet se çelës i diturisë është pyetja, prandaj pyet të lutem çka të intereson, kështu në dashtë Zoti, neve do të tregojmë atë që e dimë.

Taksisti: çka është Kurani ?

Udhëtari: Fjala e All-llahut në gjuhën arabe, mrekulli e Pejgamberit a.s, leximi i të cilit është adhurim, ndriçues i rrugës se drejtë dhe kushtetutë e jetës së Myslimanit.

- Dritë e zëmrës,
- Shoqërues dhe dritë në varr,
- Ndërmjetësim në ditën e gjykimit,
- Nder dhe respekt, krenari dhe dinjitet për besimtarin,
- Ligj i All-llahut dhe rregull i jetës së muslimanit,

Për këtë arsye o vëllai im, All-llahu ju ka dhënë muslimanëve pozitë të lartë por edhe përgjegjësi të lartë.
Prandaj kundruall mirësisë është përgjegjësia. All-llahu të ka dhënë ty o Muhammed dhe popullit tuaj dhe për këtë do të pyeteni (Kur'an)

Taksisti: Cilat janë obligimet tona ndaj Kur'anit ?

Udhëtari: 1. Ta lexojmë dhe praktikojmë atë. Shokët e Muhamedit a.s e kanë lexuar Kur'anin dhe e kanë mësuar leximin e tij me vëmendje.

Taksisti: Po nëse kemi vështirësi gjatë leximit ?

Udhëtari: "Ai i cili lexon me vështirësi ka dyfish sevape, ai që lexon mirë do të jetë në shoqërim me melekët që lexojnë (hadith)


Taksisti: Si të sillemi gjatë leximit të Kur'anit?

Udhëtari: Kultura e të lexuarit të Kur'anit konsiston në:

- vendin e pastër
- fillimi me abdes
- kthimi prej kible
- vendi i qetë dhe,
- lërja e qetë e lexuesit

"E pa një njeri Muhamedi a.s duke lexuar Kur'an me nxitim duke mos pasur kohë të meditoj në të, e ndërpreu atë (duke mos e lënë të vazhdoj ashtu leximin)"(hadith)

Taksisti: Po nëse dimë diçka përmendësh a duhet ta përsërisim atë ?

Udhëtari: "Njeriu i cili nuk ka memorizim diçka nga Kur'ani Famlartë i ngjanë gërmadhës se braktisur" (hadith)

-Memorizimi i Kur'anit është farz kifaje,
-Memorizimi për namaz është farz hajn,
-Memorizimi për thirrësin është bagazh në rrugën e tij gjatë jetës.

Taksisti: Më trego disa nga parimet e leximi të Kuranit ?

Udhëtari: Parimet e mësimit të Kuranit konsistojnë ;

1. Nuk mësohet Kur'ani nga tjetër përveç se nga njeriu kompetent dhe i besueshëm, dinjitoz dhe në piedestal të lartë të praktikës ndaj tij. Preferohet që gjatë leximit të konsultohet literaturë nga komentimi i Kuranit Famëlartë me qëllim të kuptimit, meditimit dhe përsiatjes në madhështinë e tij.

2. Përsëritja në namaz. Një pjesë e Kur'anit të lexohet çdo ditë (kjo besimtarit i mundësohet gjatë praktikimit të namazit ditor). Mirëpo besimtari nëse donë të arrin piedestale të larta në jetë, duhet që vazhdimisht të absorboj energji hyjnore nga Drita e Kuranit Famëlartë, duke u shoqëruar vazhdimisht me të si me një mik të pandashëm. Ashtu siç thuhet se; "Mirësitë e njerëzve të mirë janë të dobëta tek të thjeshtit dhe adhurimet vullnetare tek të tjerët janë obligime tek motivuesit në jetë (Thirrësit në rrugën e vërtet)".

3. Namazi i natës. Adhurimi i natës Njeriut i dhuron motiv dhe kurajë në jetën e tij, besimtari kur ngritët natën në vetmi me Krijuesin e Tij, duke u lirësuar nga të gjitha nuancat e syefaqësisë të cilat ndoshta nganjëherë mund ta shoqërojnë gjatë ditës, duke medituar dhe u lutur pran Mëshirës së Krijuesit, duke kërkuar falje për lëshimet, gabimet dhe të metat e tij, duke kërkuar ndihmë në udhëkryqet e jetës së tij, veçohet nga krijesat dhe afrohet tek Krijuesi i Tij ndien praninë e Tij dhe justifikohet me rrëfim ndaj Tij, elemente të cilat i dhënë shtytje, motiv dhe inkurajim në sfidat e jetës. Këtë adhurim Pejgamberi Muhamed a.s e ka praktikuar gjatë gjithë jetës së tij, duke i shërbyer si fortifikatë shpirtërore ndaj sprovave të ditës, dhe këtë shkollë të edukimit sublim ua ka mësuar edhe shokëve të tij, për të cilët në fillim ka qen poashtu obligim adhurimi gjatë një pjese të natës, për të mbetur më vonë në kategorinë e vullnetit të atyre që janë të vazhdueshëm në vepra të mira, dhe të lavdëruar e respektuar te njerëzit. "Sa njeri i mirë është filani (Abdullah ibn Omeri) sikur të kryente edhe adhurim gjatë natës "(hadith) Thuhet se kur ka dëgjuar ai për këtë thënie të të Dërguarit të Zotit, më kurrë se ka lënë namazin e natës .

4. Fshehtësia e motivit dhe fuqisë së Njeriut është lidhja e fort me All-llahun e Lartmadhëruar.

Taksisti: Më trego të lutem diçka për sevapet e leximit të Kuranit ?

Udhëtari: Sevapi një shkronje sjellë 10,20 apo 30 sevape varësisht prej leximit të lexuesit, ta llogarisim vetëm "Bismilahi rrahmani rrahim "i ka 19 shkronja x 10 ,20 apo 30-të? Po të rrëfej disa raste vëllai im në Islam, dhashë Zoti të jenë përkujtim i dobishëm: -Ibn Tejjmija është burgosë, është e izoluar prej Kur'anit por ka thënë, Kuranin e kam në xhoksin tim dhe e kam lexuar me dhjetëra herë në burg, deri kur ka ndërruar jetë duke lexuar ajetin " Të devotshmit janë në xhenete të larta dhe të afërt tek sunduesi i tyre." - Thuhet se një besimtar i quajtur Muhamed ka rënë në komë mese një muaj, por asnjë ditë nuk e ka lënë programin e tij ditor të leximit të Kur'anit, dhe nuk ka shkuar asnjë ditë pa pyetur për problemet dh gjendjen e shokëve të tij derisa ka ndërruar jetë

Taksisti: Po a kemi përgjegjësi për fëmijët t'ua mësojmë Kuranin dhe sa kemi dobi neve prej leximit të tyre?

Udhëtari: "Prindërit e Hafëzit në Ditën e Gjykimit gradohen me kurora në kokë, si shpërblim për hivzin e femiut të tyre. (hadith)

"All-llahu ka njerëz prej njerëzve! Cilët janë ata ja Resulullah? Ata janë pjesëtarët e leximit të Kur'anit Famëlartë (hadith)

Taksisti: Mësuesit e Kuranit a kanë dobi nga mësimi i të tjerëve?

Udhëtari: Për këtë prapë po të sjell një tregim që transmetohet në gjenerata me vërtetësi, inshalla kemi dobi dhe përkujtim të mirë prej tij. Ebul-Hasan El Kurdi ishte lexuesi i lexuesve të Kuranit të Sirisë, kur ka ndërruar jetë e kanë përcjell gjenazen e tij miliona njerëz. -E ka parë në ëndërr nxënësi i tij Zejid Ramadani duke i thënë të përgëzoj o Mësues se ty të kanë përcjell miliona njerëz. -A po befasohesh me këtë o nxënësi im ? -Pse? -Me kanë përcjell miliona, por a e dini sa më kanë pritë ? -Po ku je tash o Mësuesi im ? -Tek Arshi i All-llahut (Xhenetin firdeus)! -Po,... çka po bën atje ? -Jam duke lexuar Kur'an !

Taksisti: Po më intereson të dijë pak mbi shkollat e Mësimit të Kuranit dhe si të arrij më lehtë në mësimin e kuptimeve më të thella të tij ?

Udhëtari: Po, shkurtimisht se koha me u ndarë na është afruar, janë disa dijetar eruditë, të cilët janë thelluar në kuptimin dhe komentimin e Kuranit Famëlartë, ato volume të librave të tyre sot nga pasuesit e tyre njihen si shkolla dhe metodologji të qasjes në kuptimet e Kuranti Famëlartë, ja disa nga shkollat e komentimit; -Shkollat e tefsirit Tradicional, Ibn Kethiri, Taberaniu, të cilët janë thelluar dhe kanë hulumtuar më shumë, dispozitat e fikhut. -Shkolla tjetër e cila ka manifestuar prizmin e logjikës racionale gjatë komentimit të Kuranit, shih Rrazuui në "çelësat e fshehtësisë" . -Xhabër Ibn Ajan etj thërrasin myslimanët të merren me ajetet që flasin për ligjet e galaktikës dhe universit. -Tefsiri bashkëkohor " Nën hijen e Kuranit", Sejjid Kutb -Kemi edhe tefsiri linguistik etj..

Taksisti: Cili është më i miri?

Udhëtari: Bashkimi i të gjithave. Kur'ani nuk fol për disiplinat veç e veç, por ato mundë të kuptohen duke i bashkuar kuptimin e ajeteve lidhur me një çështje. Thuhet se,Kur'ani i ngjanë një planeti që shihet në galaktikën me yje. "Kur'ani është kozmos që flete, kozmosi është Kur'an që hesht". Ibn Arabiu

Taksisti: All-llahu të shpërbleftë vëllai im, unë përkujtova shumë të mira nga udhëtimi i jonë e shumë të tjera mësova të reja më thuaj edhe këtë para se të ndahemi, si të kuptoj më seriozisht vlerën e Kur'anit Famëlartë, të lexojë, studioj dhe mësoj atë me gjithë shpirt?

Udhëtari: Po të tregoj një ndodhi vëllai im, ndodhi e cila më ka lënë gjurmë të pashlyera në kujtesën time!
"Ibn shahi ka thënë se, kamë hyr tek Hamza Ibn Zeja, (lexues i madh i Kur'anit) e kam gjet atë me faqe për tokë duke qarë, pse po qanë e pyeta? -Hamza mu përgjigj! Kam par në ëndërr se erdhi kiameti dhe janë thirr lexuesit e Kur'anit, në mesin e tyre edhe unë, kam dëgjuar një fjalë "kush ka punuar me Kuranin le të vjen " unë jam kthyer mbrapa, më ka thirr një melek dhe më ka thënë kthehu, jam kthyer më ka thënë thuaj të-Të përgjigjem ty o Zot ! Pastaj kam shkuar deri të disa lexues që gumëzhinin si bletët duke lexuar, më thanë lexo, unë fillova të lexoj dhe të ngritëm në shkallë të mermerta prej xhevahiri! Kam filluar të lexoj suren En -nam derisa arrita në ajetin e 60-të ku thuhet "E All-llahu është mbi robërit e tij" , atëherë erdhi një zë "A nuk jam Unë mbi robërit e mi" po jemi përgjigjur! Atëherë kam filluar të lexoj suren El-araf derisa kam arritur në ajetin ku duhet të bie në sexhde, dhe jam pyetur nga All-llahu kush të ka mësuar ty të lexosh drejt? Filani! Po kush e ka mësuar filanin? Kështu me radhë deri të Ali Ibn ebu Talibi! E kush e ka mësuar lexuesin e drejtë të Aliut? Muhammedi a.s! Po kush e ka mësuar atë? Xhibrili a.s! Po kush e ka mësuar xhibrilin të lexoj drejt? Këtu thotë Hamza jam ndalur! Thuaj Hamza? Ti o All-llah e ke mësuar atë! Atëherë më është thënë, Unë jam Mësues i Kur'anit dhe lexuesit e tij janë afër Meje. Atëherë Madhështia e All-llahut më ka përshkuar me një nur të miskut dhe më tha, kështu është shpërblimi i atyre që lexojnë Kur'an dhe e praktikojnë atë. Dhe betohem në Madhështinë Time se nuk do ta djeg zjarri i xhehnemit atë që e ka lexuar Kuranin, atë vesh që e ka dëgjuar atë dhe atë zemër që e ka mbajtur atë në vete.

E pse po qanë ti o Hamza kur unë duhet të qajë e jo t i tha shoqëruesi, duke e parë në atë gjendje me fytyrë për tokë.

Kur u kthye nga taksisti, fytyra e tij kishte marr pamjen e dritares gjatë vjeshtës me shi, rrëke i shkonin lotët dhe duke e përqafuar udhëtarin e panjohur iu drejtua, më herët s'të kam parë nga sot më je bërë më i dashur se Prindi im, të jam mirënjohës shumë për mësimin, përkujtimin dhe këshillat, All-llahu na bëftë prej lexuesve, studiueseve dhe shoqërueseve të Kuranit në këtë dhe Botën tjetër, nga sot unë do të jem njeri tjetër në raport me Kuranin, më dhimbset ajo kohë që e kam kaluar në neglizhencë ndaj tij.

 

 

13.01.2008.islamgjakova.net