Një mbreti kishte dhjetë qen të egër, të cilët i shfrytëzonte për t’i torturuar shërbëtorët e tij që bënin gabime.

Një ditë njëri nga shërbëtorët e japi një mendim të gabuar që mbretit nuk i pëlqeu aspak. Kështu ai urdhëroi që shërbëtori të hidhej te qentë e egër.

Shërbëtori i frikësuar i tha mbretit: "O mbret im, unë ju kam shërbyer për dhjetë vite, si mund të ma bëni këtë? Ju lutem, më jepni dhjetë ditë para se të më hidhni te qentë e egër!”
Mbreti e pranoi lutjen e shërbëtorit dhe i dha dhjetë ditë.
Shërbëtori nuk humbi kohë dhe shkoi te roja që kujdesej për qentë dhe i tha ta lejoj atë që t’i shërbente qenve për dhjetë ditët e ardhshme. Roja i hutuar pranoi dhe shërbëtori filloi t’i ushqejë qentë, t'i pastrojë, t'i lajë dhe të kujdesej për ata.
Kur përfunduan ato dhjetë ditët, mbreti urdhëroi që shërbëtori të ndëshkohej për gabimin e tij dhe të hidhej te qentë. Kur ai u hodh brenda, të gjithë u mahnitën kur panë se si qentë e egër ia lëpinin këmbët e shërbëtorit!
Mbreti, i bezdisur me atë që po shihte, tha:
"Çfarë u ka ndodhur qenve të mi?"
Shërbëtori u përgjigj, "Unë u shërbeva qenve për vetëm dhjetë ditë, dhe ata nuk e harruan shërbimin tim. Ndërsa juve u kam shërbyer për dhjetë vite dhe në gabimin tim të parë, ju i harruat të gjitha!"
Mbreti e kuptoi gabimin e tij dhe urdhëroi që shërbëtori të lirohej.

Mesazhi i këtij tregimi:

Disa njerëz i harrojnë gjërat e mira që i bën një person për ta, sapo ai ta bënë një gabim ndaj tyre. Mos i hidhni gjërat që janë të mbushura me të mira për shkak të një gabimi që nuk ju pëlqen.