Xhamia e Pejgamberit a.s. priti mbi 200 milionë besimtarë gjatë vitit aktual islam


Xhamia e Pejgamberit a.s. në Medine ka pranuar mbi 200 milionë besimtarë gjatë vitit aktual islam.

Gjatë periudhës ndërmjet Muharremit, muajit të parë të kalendarit Hixhri, dhe fillimit të Dhul Kadesë, muajit të njëmbëdhjetë, mbi 200 milionë besimtarëve i janë ofruar shërbimet më të mira në mënyrë që ata të mund t’i kryenin adhurimet e tyre me lehtësi, ka njoftuar Kryesia e Përgjithshme për Çështjet e Dy Xhamive të Shenjta.

Ky numër do të rritet dukshëm brenda një muaji pasi Mbretëria pret besimtarët nga e gjithë bota gjatë periudhës së ardhshme të Haxhit.

Do të jetë pelegrinazhi i parë i madh që nga fillimi i pandemisë COVID-19 që do të zhvillohet me kapacitet të plotë dhe pa kufizim moshe.