Hulejde bint Kajs r.a. - zonja e parë prej sahabeve medinase

E Premte, 14 Nëntor 2025 0 komente

Hulejde binti Kajs r.a. ishte një nga zonjat e para ensare….. ishte një zonjë sahabe, e cila së bashku me bashkëshortin shkuan në Mekë dhe gjatë takimit të dytë të Akabës me Resulullahun u nderuan me Islam…. Gjithashtu ajo ishte e njohur edhe me emrin "Ummu Bishr"

Ajo ishte medinase. Babai i saj ishte Kajs ibën T habiti, ndërsa bashkëshorti i saj ishte Bera ibën Marur r.a.. Hulejde r.a. ishte një zonjë e zgjuar dhe e mençur. Ngjarjet, kujtimet në mendjen e saj i ruante mirë. Transmeton një kujtim të bashkëshortit të saj, që ishte nisur rrugës për në Mekë për t'ju bindur të Dërguarit të Zotit:
"Kur Islami filloi të përhapej në Jethrib, një grup ensarësh kishin vendosur për të vizituar të Dërguarin a.s.. Së bashku me Bera ibni Marur edhe unë iu bashkova karvanit. Në rrugë kur u ngritëm për të falur namaz, në zemrën e Berasë u ndje në heshtje thënia: "Unë Qabenë nuk dua ta lë pas, drejt saj dua ta fal namazin".
Prej sahabëve si: Kab ibni Ma lik, Esed ibni Zarur thanë: "Pasha Allahun, ne kemi dëgjuar se Pejgamberi ynë është falur vetëm nga Shami. Ne nuk duam ta kundërshtojmë atë". Beraja r.a. nuk hoqi dorë nga ideja dhe tha: 'Unë do të lutem (falëm) drejt Qabesë'." Ajo vazhdon, kur erdhën në Mekë, Beraja ngjarjen që kishte ndodhur gjatë rrugës ia tregoi të Dërguarit e i tha: 'O i Dërguari i Allahut! Unë në këtë udhëtim dola, pasi Allahu mua më kishte sjellë në Islam. Është e vështirë për mua që ta lë prapa krahëve Qabenë.
Më erdhi më lehtë të falem gjatë namazit drejt saj. Në këtë çështje shokët e mi më kundërshtuan. Kjo është arsyeja pse unë kam dyshime. Cili është mendimi juaj? I Dërguari i dy botëve a.s. buzëqeshi e tha: 'Ju ishit tashmë drejt një kibleje. Sikur të kishe bërë durim në këtë çështje".
Bera r.a. pas kësaj përgjigjeje, u kthye kah Shami për ta falur namazin. Në histori njihet si personi i parë që fali namazin nga Qabeja."
Hulejde r.a. nga martesa me Bera ibni Marur kishte një fëmijë me emrin Bishr. Ajo bëri një përpjekje të madhe që fëmijën ta rriste me bukuritë islame. Ajo i kushtoi vëmendje edukimit të fëmijës. Përpiqej që t'i mbushte zemrën me dashurinë e Allahut dhe të Dërguarit të Tij. Dëshironte që fëmija e saj të rritej si luftëtar i Islamit.
Hulejdes për shkak të emrit të djalit i referoheshin edhe me emrin Ummu Bishr b. Bera. Nënshtrimi i tij për Allahun dhe të Dërguarin e Tij ishte i plotë. Bishri ishte rritur me një heroizëm luftëtari. Në moshë të re ai u bë një luftëtar i Islamit.
Ai së bashku me të Dërguarin, diellin e dy botëve mori pjesë në luftën e Bedrit, Uhudit, Hendekut dhe Hajberit. Tregoi trimëri të madhe. Në Hajber, Resululla hun s.a, e gostitën me mish qengji të helmuar nga i cili Bishri hëngri dhe ra dëshmor.
Hulejde u bë nënë dëshmori dhe në jetë mbeti e vetmuar. Po ashtu edhe bashkëshorti i saj vdiq një muaj para hixhretit. Resulullahu (a.s.) kur bëri hixhret në Jethrib, Hulejdeja erdhi te varri i bashkëshortit të saj dhe i tregoi të Dërguarit duke i thënë: Ja Resulallah! Ky është Bera bin Marur, i pari prej të nderuarve me Islam, i pari që u kthye nga Qabeja, i pari që e la trashëgimi 1/3 e pasurisë dhe ishte njëri prej prokurorëve, ky është varri i tij".
Resulallahu s.a. së bashku me ashabët ia falën namazin e xhenazes Berasë (r.a) dhe u lut duke thënë: "O Zoti im! Fale atë, mëshiroje dhe ji i kënaqur nga ai".
Hulejde vazhdimisht lexonte Kuran dhe i pëlqente të merrte pjesë në mexhliset e dijes, ku Hz. Aisheja r.a. i transmetonte hadithe zonjave të myslimanëve, aty ajo ishte pjesëmarrëse në ato ligjërata. Një paradite Hulejde (r.a) në rrugët e Medinës ecte duke lexuar suren Fatiha.
Para i dolën dhe ajo u takua me Hz. Aliun, Imran ibni Husejn, dhe Enesi ibni Malik r.a. Hz. Aliu i tha asaj: Ummu Bishr! Ç'është ajo që e pëshpërisje?"Ajo ia ktheu duke iu përgjigjur: "po pëshpërisja suren Fatiha". Hz. Aliu i bëri sihariq duke thënë se kjo punë që e bën ti është punë që e kënaq Zotin, dhe shtoi se e kam dëgjuar Resulullahun a.s. duke thënë: "Sureja Fatiha ka zbritur nga thesari i poshtëm i Arshit"
Edhe Imran ibni Hysejn tha: Edhe unë e kam dëgjuar të Dërguarin a.s. duke thënë: "Nuk është e mundshme t'i gjej ndonjë e keqe njerëzit nga xhinët në një shtëpi, nëse nga robërit lexohet Fatihaja dhe Ajetul-Kursij".
Enesi ibni Malik r.a ishte gëzuar dhe shtoi se kishte dëgjuar se ajo është prej sureve me të vlerësuara.
Hulejde r.a lirisht fliste para të Dërguarit a.s. Një ditë ajo tha: Ja Resulullah, të vdekurit a e njohin njëri-tjetrin? Dielli i dy botëve, i Dërguari a.s. duke buzëqeshur tha: "Shpirtrat e mirë shëtiten në xhennet sikur zogjtë e gjelbër në qiell. Edhe shpirtrat e pastër njihen mes vete sikur zogjtë në pemë që e njohin njëri-tjetrin".
Hulejde binti Kajs r.a. përshkruan një vizitë në momentet e fundit të të Dërguarit kur ishte i sëmurë, në gjendje të rëndë. Erdha pranë tij, e pashë atë, i vura dorën time në ballë të të Uruarit. Kam ndier një temperaturë që nuk e kisha ndier deri atëherë. Zemra s'më duroi dhe i thashë: "O i Dërguar i Alla hut! Unë shoh që je i prekur nga një sëmundje e cila nuk e ka zënë askënd, je prekur nga Malaria. Dielli i dy botëve më tha: "Sikurse shpërblimet dhe bamirësitë që do të na jepen neve shumëfish, ashtu të shumëfishta do të jenë sprovat". Pastaj më pyeti: "Ç'ka thonë pop ulli im për këtë sëmundje?" Unë ia ktheva: Populli thonë se sëmundja te Resulullahu është Peleurit. Pas kësaj i Dërguari ynë tha: "Nuk i jep një sëmundje të këtillë Allahu të Dërguarit të Tij. Ajo nuk është asgjë tjetër përveçse një dyshim i shejtanit". Unë përsëri i thashë: O i dërguar i Allahut! A e di nga erdhi kjo sëmundje te ju? Pastaj më erdhi para syve gjendja e temperaturës së birit tim Bishrit, i thashë: mendoj se vdekja e të tim biri s'është veçse nga qengji i helmuar që e kishte ngrënë në Hajber. Dielli i dy botëve, i Dërguari a.s. tha:"Oj Ummu Bishr! Edhe mua ma merr mendja se e ka nga ajo, ngase në Hajber së bashku me të kemi provuar nga mishi i helmuar ku tash e ndiej dhembjen dhe damari i zemrës më është këputur".
Hulejde r.a, kur e pa të Dërguarin duke përjetuar këtë sëmundje të ndezur, s'mundi të durojë e tha: "Qofshin të flijuar nëna dhe babai im për ty, o i Dërguar i Allahut" dhe u largua prej tij me lot në sy. Hulejde r.a tërë jetën e kaloi me besnikëri dhe dashuri për të Dërguarin a.s derisa kaloi në botën e përjetshme. Allahu qoftë i kënaqur prej saj! Varri iu bëftë dritë! Ju prehtë shpirti në qetësi! Amin!