Kryetari i Këshillit të Bashkësisë Islame në Gjakovë, dr. Valon ef. Myrta, priti në takim Kryetarin e Këshillit të Bashkësisë Islame në Prizren, Mr. Besim ef. Berisha bashkë me sekretarin Faruk ef. Ukallo dhe referentin Erol ef. Raka.

Ata e uruan Kryetarin Myrta për zgjedhjen në krye të KBIGJ-së, duke i uruar punë të mbarë dhe suksese.

Kryetari Myrta i falënderoi përzemërsisht mysafirët dhe e vlerësoi lartë vizitën e tyre.

Takimi u shfrytëzua edhe për shkëmbimin e përvojave dhe diskutimin e praktikave të ndryshme institucionale.