Fotografi saudit Abdul Rahman Al-Sahli, i cili u bë kryefjalë për fotografitë e tij të mprehta dhe të ndërlikuara të një skene prekëse humane gjatë muajit të shenjtë të Ramazanit, në Xhaminë e madhe në Meke.

Ai tregon historinë e fotove që u bënë virale në rrjetet sociale të një vajze që ishte strehuar nga dielli përvëlues nga vëllai i saj.

Sipas gazetës Sabq, Al-Sahli tha se pamja e një vajze që strehohej pas vëllait të saj për t'i shpëtuar nxehtësisë së diellit në këtë muaj të nxehtë prilli i ra në sy. Të dy, të zhytur në devotshmëri në Xhaminë e madhe në Mekë, në të njëjtën kohë po përpiqeshin t'i shpëtonin rrezeve të nxehta të diellit dhe ky moment u skalit në mendjen e Al-Sahliut.

Ai nxori menjëherë aparatin e tij për të bërë disa foto, për të dokumentuar këtë skenë fisnike dhe të bukur vëllazërore si një moment të paharrueshëm. Al-Sahli tha se ai i bëri fotot rreth orës 13:00, në kohën kur moti ishte jashtëzakonisht i nxehtë.

Ai tha, pasi klikoi një seri fotosh, ndjenja e tij fotografike tregoi se ai me të vërtetë kishte arritur një moment të rrallë dhe ndihej i sigurt se fotot do të bëheshin virale në mediat sociale dhe njerëzit do t'i pëlqenin. Kjo është historia pas saj.

“Si fotograf, duhet të jesh i përgatitur për momente të tilla të rralla dhe nëse vonohesh një sekondë, do të humbasësh fotografinë!” tha Al-Sahli, duke e përshkruar momentin si një skenë të rrallë prekëse. Al-Sahli ndodhi aty në vend për të kapur aktin fisnik, sepse ai gjithmonë bën fotografi në Xhaminë e Madhe për pelegrinët dhe adhuruesit në llogaritë e tij në mediat sociale: @heartmecca.

Al-Sahli shprehu krenarinë dhe lumturinë e tij të madhe për realizimin e këtyre fotove, duke theksuar se skena fisnike vëllazërore e shtyu atë të kujtonte fjalët e Zotit të Madhëruar nga sureja el Kasas ajeti 35, si [Allahu] tha: "Ne do ta forcojmë krahun tënd nëpërmjet vëllait tënd".

Për ironi, fotot që u bënë virale i bënë njerëzit të mendojnë se ishte një foto e një gruaje të strehuar nga dielli nga bashkëshorti i saj, gjë që e shtyu pronaren e fotos, blogeren Abeer Najjar, të korrigjonte informacionin në llogarinë e saj personale në Instagram.

Abeer tha se ajo ndihej e emocionuar nga fjalët e ëmbla që njerëzit kishin ndarë në lidhje me fotot, duke shtuar, fotografi e kapi këtë moment mes saj dhe vëllait të saj gjatë udhëtimit të tyre në Umre dhe ditën e tyre të fundit në Mekë para se të niseshin për në Medine.

Ajo tha “Ne e vizituam Qaben herët pasdite kur ishte shumë diell dhe ngrohtë. Unë qëndrova pas vëllait tim për hije për disa minuta dhe fotografi e kapi këtë foto nga larg.”

Abeer tha se në atë moment ajo nuk dinte për fotot e tyre, por e kuptoi kur ato filluan të qarkullojnë në internet.

"Ky ishte një udhëtim vërtet i veçantë për kaq shumë arsye, kështu që jam mirënjohëse që kemi këtë foto për t’i kujtuar këto momente", tha Abeer.