Agjencia Saudite e Shtypit (SPA) ka zbuluar procesin e trajtimit të guralecëve të Xhemaratit pasi haxhinjët i hedhin gjatë kryerjes së ritualit në Vendin e Shenjtë Mina.

SPA thotë se shumë njerëz pyesin se ku shkojnë guralecët pasi haxhinjët i hedhin gjatë kryerjes së ritualit në Mina, veçanërisht në katet e larta të objektit të Xhamaratit, ku guralecët bien mbi tre shtyllat dhe shtrihen në katër kate në një thellësi deri në 15 metra.

E. Ahmed Al-Subhi, një nga punonjësit e kompanisë Kedana, ka treguar për SPA se procesi i trajtimit të gurëve fillon në ditën e parë, të dytë dhe të tretë të hedhjes së tyre, menjëherë pasi haxhinjët i përfundojnë ritualet e hedhjes së guralecëve, në Xhemarat.

Guralecët bien vertikalisht poshtë dhe vendosen në bodrumin e objektit Xhemarat, thotë Al-Subhi, duke vënë në dukje se guralecët mblidhen brenda një thellësie prej 15 metrash në tre shtyllat.

Pas kësaj, një numër shiritash transportues i mbledhin guralecët e hedhur, më pas fillon procesi i shoshitjes së tyre dhe spërkatjes së tyre me ujë për të hequr pluhurin dhe papastërtitë e ngelura në to, përpara se të transferohen në automjete dhe të ruhen.

Al-Subhi konfirmoi se tonelatat e guralecëve llogariten në sezonin e Haxhit sipas numrit të haxhinjve.

Nga ana tjetër, pala përgjegjëse për organizimin dhe rregullimin e guralecëve, Hidayah-Haji dhe Mu’tamer Gift, në bashkëpunim me Kedana Company, zhvilluesi kryesor i Vendeve të Shenjta, ka zbatuar një iniciativë cilësore për t’i shërbyer pelegrinëve në Vendin e Shenjtë.

Sipas një statistike zyrtare, zhavorri i Xhemaratit mund të arrijë deri në 1000 tonë në vit. Pas sezonit të Haxhit, zhavorri i pastruar paketohet në thasë të vogla zhavorri. Siç është raportuar nga organizata përgjegjëse për menaxhimin e guralecëve mund të sigurojë më shumë se 80,000 thasë me zhavorr të cilat më pas do të rishpërndahen në 300 pika kontakti për haxhinjët në rrugën e ecjes në Muzdelife, në mënyrë që pelegrinët e mundshëm të mund të kthehen për sezonin e ardhshëm.

Qëllimi i shpërndarjes së gjithsej 83,411 thasëve me zhavorr në sezonin e sivjetmë të Haxhit për pelegrinët nuk është gjë tjetër veçse lehtësimi i barrës së pelegrinëve gjatë ritualeve të tyre.