Myftiu Tërnava priti në takim kryetarin e Komunës së Osmangazit të Bursës

 


Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim kryetarin e Komunës së Osmangazit të Bursës, z. Erkan Aydin.


Gjatë këtij takimi u diskutua për ndihmat dhe përkrahjen e vazhdueshme që ka dhënë shteti i Turqisë për Kosovën në përgjithësi, por edhe për Bashkësinë Islame të Kosovës në veçanti. Ai shfrytëzoi rastin që të shpreh falënderimet e tij dhe të institucionit që ai drejton për këtë përkrahje. Myftiu Tërnava tha se Bashkësia Islame e Kosovës mbetet e përkushtuar që të vazhdojë bashkëpunimin me organizatat turke, gjithnjë për të mirën e qytetarëve dhe besimtarëve tanë.