Kryeimami i Bashkësisë Islame të Kosovës, Vedat ef. Sahiti, mori pjesë sot në punëtorinë e organizuar nga Misioni i Organizatës për Siguri dhe Bashkëpunim në Evropë (OSBE), për të diskutuar për bashkëpunimin e mundshëm të bashkësive fetare me botën akademike në promovimin e vlerave të mirëkuptimit dhe të respektit. 
Të pranishëm në këtë punëtori qenë përfaqësuesit e bashkësive fetare në Kosovë, si dhe profesorë të universiteteve publike dhe kolegjeve private. 
Në fjalën e tij para të pranishmëve, kryeimami Sahiti, paraqiti gadishmërinë e Bashkësisë Islame të Kosovës për të bashkëpunuar me botën akademike në realizimin e projekteve dhe aktiviteteve që kanë për qëllim kultivimin dhe promovimin e vlerave të mirëkuptimit e respektit, me fokus të rinjtë dhe studentët. 
Punëtoria kishte për synim nxitjen e bashkëpunimit ndërmjet bashkësive fetare dhe botës akademike me qëllimtëkultivimit të vlerave të mirëkuptimit dhe të bashkëjetesës, si dhe avokimit për liritë dhe të drejtat e njeriut për një të ardhme sa më të mirë të vendit.