"Ti je nëna, xheneti i tij në këtë botë. Ai është djali yt, pjesë e zemrës tënde, dhe dashuria e tij për ty është një formë adhurimi. Ndërsa dashuria e tij për gruan, që Allahu e ka krijuar për të sjellë qetësi dhe lumturi në jetën e tij, është burimi i gëzimit të tij." 
Dr. Mustafa Mahmud tregon një histori që ndihmon për të kuptuar dallimin mes këtyre dy dashurive. Një ditë, një nënë iu ankua për të birin, duke thënë: "Më duket sikur ai e do më shumë gruan e tij sesa mua."
E pyeta: "Nënë, më thuaj, çfarë është më e mirë: domatja apo portokalli?"
Ajo më shikoi me habi dhe tha: "Nuk ka kuptim t’i krahasosh, sepse domatja është perime, ndërsa portokalli është frut."
I thashë: " E njëjta gjë vlen edhe për dashurinë, nënë e dashur. Dashuria ka forma të ndryshme, dhe secila ka vendin dhe rëndësinë e vet. Nuk është e drejtë t’i krahasosh ato me njëra-tjetrën."
Ajo tha: "Shpjegoma më mirë çfarë do të thuash."
Iu përgjigja: "Ti je nëna e tij, xheneti i tij në këtë botë. Dashuria që ai ka për ty është e shenjtë, një akt adhurimi dhe respekti. Por, dashuria që ai ka për gruan e tij, të cilën Allahu e ka krijuar për ta bërë të lumtur dhe të qetë, është lumturia e domosdoshme e jetës së tij. Ndaj, ndihmoje të ruajë balancën mes këtyre dy dashurive. Mbështete në adhurimin që ka për ty dhe lejoje të gëzojë lumturinë me gruan e tij. Mos e vlerëso dashurinë e tij për ty duke e krahasuar me dashurinë për gruan, sepse janë të ndryshme. Lëre të lirë që të ndërtojë jetën e tij, dhe do të shohësh se, në fund, zemra e tij dhe ndjenja e tij për xhenetin do ta sjellin përsëri tek ti, me dashuri dhe mirënjohje."
Nëna dëgjoi me kujdes, tundte kokën në shenjë miratimi dhe fytyra i ndriçoi nga qetësia. Ajo u largua duke përsëritur: "Dashuria e tij për mua është adhurim, ndërsa dashuria e tij për gruan e tij është lumturi. Do ta ndihmojë të arrijë tek Zoti i tij përmes dashurisë dhe do ta lë të gëzojë jetën me gruan e tij."
E dashur nënë, mbaje mend këtë këshillë të vyer të Dr. Mustafa Mahmudit. Kur djali yt të bëhet burrë, lëre të ndërtojë një jetë të lumtur me bashkëshorten e tij në paqe dhe privatësi, ashtu siç ke dëshiruar edhe ti për veten tënde. Ndihmoje të përmbushë adhurimin ndaj teje përmes respektit dhe mirësisë, ndërsa e mbështet të jetë i lumtur me gruan dhe familjen e tij.