Drejtori i Drejtorisë së Diasporës në Kryesinë e Bashkësisë Islame të Kosovës, Ekrem ef. Simnica, ka vizituar xhaminë e re të Bashkësisë Islame Shqiptare në Danimarkë, në të cilën u mirëprit nga imami Basri ef. Kurtishi.

Ai fillimisht përcolli urimet e Myftiut Tërnava dhe të institucionit të BIK-ut për hapjen e kësaj xhamie, duke lutur Zotin që t’i shpërblejë me mirësitë e Tij të gjithë ata që kanë kontribuuar për këtë xhami.

Kjo xhami u ka shërbyer shqiptarëve për më shumë se 40 vite në një tjetër objekt që e ka drejtuar Abdurrahim ef. Kurtishi, ndërsa para dy vjetësh është blerë objekt i ri për xhami në Broshøj, tashmë është pronë e xhamisë. Objekti ka një hapësirë prej rreth 2000 m² dhe përfshin një bibliotekë, restorant, hapësira për falje dhe aktivitete për gra e burra, zyra dhe banesë për imamin, si dhe një kënd lojërash për fëmijë.