Më 21 mars 2025, drejtori i Diasporës në Bashkësinë Islame të Kosovës, Ekrem ef. Simnica, i shoqëruar nga kryeimami i Këshillit të BI-së së Klinës, Blerim ef. Musliu, vizituan Belgjikën, ku u pritën në iftarin e përbashkët të organizuar nga Federata Myslimane Shqiptare në Belgjikë, e udhhequr nga kryetari Tasin Ramadani, i shqëruar me disa imamë dhe shoqërues të tij. 
Namazin e teravisë Ekrem ef. Simnica, e fali në xhaminë “Besimi” në Bruksel, tek imami Nuhi ef. Shaqiri, ndërsa kryeimami Blerim ef. Musliu, e fali në xhaminë e “Xhumasë ” në Bruksel, tek imami Tasin ef. Ramadani. 
Përfaqësuesit e BIK-ut, mbajtën edhe nga një ligjëratë me këshilla dhe mësime rreth dhjetëshit të fundit të muajit Ramazan, para namzit të jacisë. 
Drejtori i Diasporës, Ekrem ef. Simnica, në ligjëratën e tij, theks të veçantë i kushtoi punës dhe veprimtarisë së institucionit të Bashkësisë Islame të Kosovës. Ai me këtë rast përcolli urimet dhe përgëzimet e Myftiut Tërnava për muajin Ramazan, duke lutur Allahun që të na i pranoj ibadetet dhe adhurimet që i kryejmë gjatë këtij muaji. 
Ai falënderoi të gjithë mërgimtarët tanë për kontributin e vazhdueshëm dhënë për vendlindjen në përgjithësi, e në veçanti për institucionin e Bashkësisë Islame të Kosovës. Ai shfaqi shpresën dhe bindjen e tij se kjo mërgatë do të vazhdojë kontributin e saj edhe përgjatë viteve të ardhshme, sa herë që të jetë nevoja. 
Gjithashtu, gjatë kësaj vizite, më 22 mars, për namaz të drekës, ekipi i Kryesisë vizitoi xhaminë “El Albani” në Bruksel, ku u pritëm nga imami Hysni ef. Berisha dhe xhemati i xhamisë. Aty u njohën me aktivitetet në këtë qendër, teksa përgëzuan për punën dhe shprehën gatishmërinë për bashkëpunim. 
Më pas, ekipi vazhdoi në qytetin Huy të shtunën për iftarin e përbashkët me xhematin e kësaj xhamie dhe imamin Irfan ef. Idrizi, ku u pritëm ngrohtësisht dhe në frymë vëllazërore. 
Para namazit të teravive, mbajtën ligjërata, ku drejtori i Diasporës dhe kryeimami përcollën përshëndetjet e Kryesisë dhe Myftiut. Gjithashtu, falënderuan xhematin për kontributin e tyre, duke i uruar për blerjen e një parcele për ndërtimin e xhamisë së re. 
Vizita do të vazhdojë në qytetin Namur, në qendrën “Haxhi Zeka”.