Në qytetin e Medinës së Pejgamberit a.s., nën organizimin e Universitetit Islamik të Medinës, u mbajt edicioni i 13-të me radhë i panairit të traditave të kombeve nga mbarë bota.
Në këtë panair morën pjesë edhe studentët nga Kosova, të cilët prezantuan me krenari traditat, zakonet dhe kulturën e vendit tonë. Ata u dalluan në mënyrë të veçantë në garën për ushqimet tradicionale, ku fituan vendin e parë, përkundër konkurrencës së shteteve nga Evropa, Amerika dhe pjesë të tjera të botës.
Pjatat tradicionale shqiptare kanë rrëmbyer vëmendjen e jurisë dhe pjesëmarrësve, duke treguar pasurinë kulturore dhe kulinare që vendi ynë ka për të ofruar. 
Studentët shprehën gëzimin e tyre për këtë arritje, duke theksuar se ndihen të lumtur që patën mundësinë ta përfaqësojnë Kosovën në mënyrën më të mirë para qindra vizitorëve që ndoqën panairin.