Katër pelegrinë evropianë - një nga Maroku dhe tre nga Spanja - kanë mbërritur në Arabinë Saudite mbi kuaj për të kryer pelegrinazhin e Haxhit për vitin 1446H-2025, i cili pritet të fillojë më 4 qershor.
Abdallah Hernandez, Abdelkader Harkassi dhe Tariq Rodriguez nga Spanja, synojnë ringjalljen e një traditë 500-vjeçare myslimane andaluziane të udhëtimit për në Haxh me kalë.
Videot e mbërritjes së tyre të pluhurosur, por triumfuese, u përhapën gjerësisht në internet, duke treguar vendosmërinë e tyre për të arritur në Mekë duke përdorur metoda historike udhëtimi. 
Grupi hyri në Mbretëri përmes pikës kufitare Al Hadithah në Al Qurayyat, ku zyrtarët sauditë i pritën me kontrolle mjekësore, pije freskuese, buqeta me lule dhe fraza mirëseardhjeje për të promovuar vlerat e bujarisë dhe mikpritjes që dallojnë njerëzit e kombit.
“Ky udhëtim pasqyron përkushtim të pastër”, tha Mamdouh Al Mutairi, kreu i qendrës kufitare Al Hadithah, i cili personalisht i përshëndeti kalorësit.
Vullnetarët vendas organizuan një festë të vogël, duke ofruar kafe tradicionale Saudite dhe udhëzime për etapën e tyre të fundit drejt vendeve të shenjta.
Udhëtimi i tyre zgjati më shumë se katër muaj, duke përshkuar afërsisht 8,000 kilometra (4,970 milje). Ata shprehën gëzim të madh kur arritën në Arabinë Saudite.