Tregohet se sulltani Sulejman Kanuni kërkoi t’i sillnin një inxhinier dhe arkitekt të aftë dhe të besueshëm. Oborrtarët nuk gjetën askënd më të denjë sesa arkitektin e njohur, Mimar Sinanin.
Sulltani i besoi detyrën e shembjes së disa serajeve të vjetëruara dhe rindërtimin e tyre. Pasi Mimar Sinani e kreu këtë punë me përpikëri dhe përgjegjësi, sulltani e thirri dhe i tha:
- Kam vënë re që për shembjen e sarajeve përdore një grup punëtorësh dhe ustallarësh, ndërsa për rindërtimin e tyre përdore njerëz të tjerë. Përse e bëre këtë?
Arkitekt Sinani u përgjigj me urtësi:
- Lartmadhëri, ka njerëz për shkatërrim dhe njerëz për ndërtim. Ata që dinë të shembin e shkatërrojnë, zakonisht nuk dinë të ndërtojnë dhe të rimëkëmbin.

E huazuar