Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim drejtorin e Përgjithshëm të Fondacionit Maarif, z. Mehmet Nedim Aslan, me të cilin biseduan për vazhdimin e bashkëpunimit ndërmjet dy institucioneve.

Myftiu Tërnava vlerësoi lart kontributin e Fondacionit Maarif dhe theksoi rëndësinë e partneritetit të ndërsjellë për zhvillimin e arsimit. Ai gjithashtu shprehu gatishmërinë për të mbështetur çdo iniciativë të ardhshme që synon forcimin e bashkëpunimit dhe krijimin e mundësive më të mira arsimore për të rinjtë.

Nga ana e tij, drejtori i Fondacionit Maarif, z. Aslan, falënderoi Myftiun Tërnava për pritjen dhe mbështetjen e vazhdueshme, duke theksuar rëndësinë e marrëdhënieve të mira dhe bashkëpunimit të frytshëm ndërmjet dy institucioneve.

Në përfundim të takimit, u nënshkrua një marrëveshje bashkëpunimi ndërmjet Bashkësisë Islame të Kosovës dhe Fondacionit Maarif, e cila do t'u ofrojë të rinjve mundësi të reja dhe cilësore në arsimim.