Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim Koordinatorin e Zhvillimit të Kombeve të Bashkuara në Kosovë, z. Stephen O'Malley.

Myftiu Tërnava fillimisht e uroi z. O'Malley për detyrën e re, duke i uruar punë të mbarë dhe të suksesshme. Më pas, Myftiu Tërnava e njohu z. O'Malley me projektet, aktivitetet dhe rolin shoqëror të Bashkësisë Islame të Kosovës, duke theksuar angazhimin e institucionit për promovim të paqes, solidaritetit dhe kontributit në çështjet humanitare.

Nga ana tjetër, z. O'Malley vlerësoi kontributin e BIK-ut në promovimin e paqes, si dhe shprehu gatishmërinë për të thelluar bashkëpunimin në fusha me interes të përbashkët.