Po bëhen pesë dekada nga botimi i parë i revistës “Edukata Islame”, e cila ka lënë gjurmë duke dhënë një kontribut të jashtëzakonshëm për popullin shqiptarë.

Kjo revistë lindi në Kosovë në një kohë sakrificash dhe sfidash të mëdha për Bashkësinë Islame të Kosovës, të cilët i mbijetuan presionit dhe privimit të lirisë, duke investuar çdo gjë për arsimin, kulturën dhe edukimin e brezave të rinjë.

Përveç tjerash “Edukata Islame” ka përmbushur një mision tepër të rëndësishëm ndaj popullsisë shqiptare, duke qenë në shërbim të informimit në rolin e gazetës, në shërbim të edukimit dhe të orientimit të tyre.