Gratë e Kumanovës ndërtojnë tetë puse uji në Mianmar të Azisë

Disa gra nga Kumanova kanë marrë një iniciativë për të mbledhur para dhe për të ndërtuar disa bunarë uji në Azi.

Iniciatorja e aktivitetit humanitar, Linda Sinani tregon për TV21, se për katër orë kanë arritur të mbledhin shumën e duhur të parave dhe më pas i kanë donuar për të ndërtuar 8 puse uji në Burma të Azisë. Paratë janë donuar të Shoqata Human Relief e cila e realizon misionin.

Burma apo e njohur ndryshe si Mianmar është një nga zonat me popullsinë më të varfër në botë.

Përfituesit e puseve janë shumë falënderues dhe të lumtur për këtë dhuratë, informon Linda.

Përndryshe mbi 1 miliard njerëz në botë vuajnë nga mungesa e ujit të pijshëm.