Himer të shtunën ndau fotot e saj me hixhab pranë Qabesë , vendit më të shenjtë të Islamit në Mekë, dy ditë pasi ajo njoftoi se kishte pranuar Islamin.

"Nuk ka fjalë aq të forta për të shprehur intensitetin e lumturisë dhe emocioneve të përjetuara pikërisht në këtë moment. Një rrugëtim shpirtëror që shpresoj të vazhdojë të më lartësojë dhe të më udhëheqë Inshaallah", ka postuar ajo në Instagram.

Modelja franceze dhe ylli i realitetit televiziv Marine El Himer është konvertuar në Islam, duke thënë se këto momente shënojnë "ditën më të lumtur" të jetës së saj.

Ajo shtoi se kjo ishte “një zgjedhje e shpirtit, zemrës dhe arsyes”.

Himer u shfaq në televizionin realitet Show Les Princes et les Princess de l'Amour (Princat dhe princeshat e dashurisë) në Francë.

Influencuesja e njohur falënderoi edhe ndjekësit e saj për mbështetjen dhe dashamirësinë e tyre.

Mediat franceze raportuan se Himer u rrit me njerkun e saj, bëri disa kërkime rreth babait të saj të vërtetë dhe prej nga erdhën ata fillimisht për një kohë të gjatë dhe u takua me Islamin gjatë kësaj periudhe.