"Minaret e Xhamisë së Madhe Ajasofja do të ndriçojnë Stambollin dhe zemrat tona me Mahya, ku këtë vit shkruan 'La ilahe ila-Allah'. Mirë se vjen Ramazan”, tha guvernatori i Stambollit, Ali Yerlikaya
Xhamia e Madhe Ajasofja (Ayasofya-i Kebir Cami-i ?erifi) është dekoruar me Mahya për muajin e Ramazanit, raporton Anadolu.

Videoja e xhamisë së dekoruar u shpërnda në Twitter nga guvernatori i Stambollit, Ali Yerlikaya.

“Jemi të lumtur që takojmë muajin e bekuar të Ramazanit. Minaret e Xhamisë së Madhe Ajasofja do të ndriçojnë Stambollin dhe zemrat tona me Mahya, ku këtë vit shkruan 'La ilahe ila-Allah'. Mirë se vjen Ramazan”, tha Yerlikaya.

Ajasofja u ndërtua në vitin 532 të erës sonë. Ajo u shndërrua në xhami në vitin 1453 pas çlirimit të Istanbul-it.

Ajo shërbeu si kishë për 916 vjet dhe 86 vjet si muze. Por, nga 1453 deri në 1934, ose gati 500 vjet, ajo shërbeu si xhami.

Në vitin 1985, Xhamia e Madhe Ajasofja u shtua në Listën e Trashëgimisë Botërore të UNESCO-s.

Xhamia e Madhe Ajasofja është gjithashtu ndër destinacionet kryesore turistike të Türkiye-s dhe mbetet e hapur për vizitorët vendas dhe të huaj.

Vitin e kaluar, në Xhaminë e Madhe Ajasofja u fal namazi i parë i taravisë pas 88 vjetëve.

Xhamia e rifitoi statusin e saj si xhami në vitin 2020, kur u hap për adhurim më 24 korrik të atij viti.