Aktori i famshëm i Hollivudit Will Smith ndan përvojën e udhëtimit të tij shpirtëror dhe ndikimin e leximit të Kuranit. Ai flet për kuptimet e Kuranit dhe se si historia e Profetit Musa. (a.s.) ndikoi tek ai.

Will Smith i njohur për filmat e tij të suksesshëm ka reflektuar rrugëtimin e jetës së tij. Ai ka folur për ndikimin që ka pasur tek ai leximi i Kuranit të Shenjtë.
Në "Big Time Podcast" Smith tregoi se gjatë Ramazanit , ai përfundoi leximin e Kur'anit, duke gjetur një lidhje të veçantë me stilin e tij të drejtpërdrejtë dhe historitë që ai tregon, veçanërisht ato për Profetin Musa (a.s).
Gjatë dy viteve të fundit, Smith u përpoq ta kuptonte veten më mirë. Ky kërkim e bëri atë të eksploronte tekste të ndryshme të shenjta, duke përfshirë Kur'anin, për të cilin ai tha se e ndihmoi të hapte zemrën e tij për më shumë njerëz. Smith u mahnit nga tregimi i qartë i Kuranit dhe historia e Profetit Musa (a.s).
Ai foli për librat e shenjtë duke përfshirë Torën, Biblën e Kuranin, dhe tha se më parë nuk e dinte se sa të ndërlidhura ishin këto shkrime të shenjta.
Ai përmendi se nëse gjysma e parë e jetës së tij do të kishte të bënte me grumbullimin e pasurisë, gjysma e dytë do të kishte të bënte me ndarjen e njohurive dhe përvojave të tij, duke theksuar se dashuria dhe miqësia janë thelbësore për një ekzistencë të lumtur.
" Big Time Podcast " i drejtuar nga Amr Adib, është i njohur për bisedat e tij intime me të famshëm.