U përurua restaurimi i xhamisë “Alaudin” në Prishtinë

 


Me një ceremoni solemne është përuruar restaurimi i xhamisë “Alaudin” në Prishtinë, e cila është restauruar së fundmi nga Drejtoria e Vakëfeve të Turqisë.


Në këtë ceremoni solemne mori pjesë Myftiu i Kosovës, Naim ef. Tërnava, zëvendësministri i Kulturës dhe Turizmit i Republikës së Turqisë, dr. Serdar Çam, ambasadori i Turqisë në Kosovë, z. Tunc Angili, si dhe mysafirë të tjerë. Përmes lidhjes direkte online, këtë ceremoni e përshëndeti edhe presidenti i Turqisë, z. Rexhep Taip Erdogan.


Kjo ceremoni ishte pjesë e një programi kolektiv të objekteve të restauruara nga Turqia, si në vend ashtu edhe në vendet e tjera, duke përfshirë edhe Kosovën. Në ndërkohë, një delegacion i lartë i Turqisë, i udhëhequr nga zëvendësministri i Kulturës dhe Turizmit i Republikës së Turqisë, dr. Serdar Çam, morën pjesë edhe fizikisht në ceremoninë e hapjes së kësaj xhamie.


Pas lidhjes së drejtpërdrejtë në këtë ceremoni, Myftiu i Kosovës, Naim ef. Tërnava, i priu delegacionit turk për të parë punën që është bërë në këtë xhami. Krejt në fund delegacioni turk së bashku me mysafirët e tjerë falën namazin e drekës në këtë xhami, të cilit i priu Myftiu Tërnava.


 



Na ndiqni

Lexoni lajmet më të fundit nga rrjetet tona sociale!

Video

Pak, por e vazhdueshme