Sot, nën një atmosferë vëllazërore u zhvillua ceremonia e inaugurimit të Xhamisë së Namazgjasë.
Në këtë ceremoni ishin të pranishëm, Kryeministri i Shqipërisë, SH.T.Z. Edi Rama, Presidenti i Republikës së Turqisë, SH.T.Z. Recep Tayyip Erdogan, Myftiu i Tiranës, z. Gazment Teqja, kryetari i Entit për Çështjet fetare (Diyanet), Prof. Dr. Ali Erbas, përfaqësues të tjerë nga dy vendet dhe besimtarë të shumtë.
Kjo ceremoni filloi me leximin e ajeteve Kuranore nga Myftiu i Tiranës z. Gazment Teqja.
Më pas Kryeministri i Shqipërisë dhe Presidenti i Republikës së Turqisë mbajtën fjalën e tyre përshëndetëse.
Në fund kryetari i Entit për Çështjet fetare (Diyanet) bëri duanë me rastin e hapjes së xhamisë.
Komuniteti Mysliman i Shqipërisë, shpreh edhe njëherë mirënjohjen e tij të thellë për popullin vëlla turk, Presidentin e Republikës së Turqisë, SH.T.Z. Recep Tayyip Erdoğan, Kryeministrin e Shqipërisë, SH.T.Z. Edi Rama, Entit për Çështjet Fetare (Diyanet) dhe të gjithë atyre që kanë dhënë kontribut.  
Lusim Allahun e Madhëruar që me realizimin e ëndrrës shumë vjeçare të besimtarëve myslimanë të Tiranës e mbarë besimtarëve shqiptarë, ta bekojë këtë xhami me mirësitë e Tij të pafundme, ta bëjë një vend ku lartësohet dhe nderohet emri i Tij me adhurime e lutje të sinqerta, ta bëjë një vend ku përhapet dija, dashuria, atdhedashuria dhe respekti.