Sekretari i Përgjithshëm i Ligës Botërore Islame (RABITA), Sh.T. Dr. Muhamed bin Abdulkerim El-Isa, zhvilloi një vizitë të rëndësishme në Shqipëri me ftesë të Presidentit të Republikës, Bajram Begaj, dhe nën kujdesin e Komunitetit Mysliman të Shqipërisë (KMSH).
Gjatë kësaj vizite, ai drejtoi faljen e namazit të Fitër Bajramit dhe mbajti hutben, duke përcjellë mesazhe për unitetin, vlerat islame dhe rëndësinë e paqes. 
Më pas, ai vizitoi selinë e KMSH-së, ku u prit nga kryetari H. Bujar Spahiu dhe drejtues të tjerë të institucionit. Dr. El-Isa përcolli urimet për Fiter Bajramin dhe vlerësoi kontributin e KMSH-së në ruajtjen e traditës islame dhe harmonisë fetare në Shqipëri.
Gjatë vizitës në ambientet e KMSH-së, ai zhvilloi një takim me Presidentin e Republikës, Sh.T.Z. Bajram Begaj, dhe Kryetaren e Kuvendit, Sh.S.Znj Elisa Spiropali. Ata shkëmbyen urimet për Fitër Bajramin dhe theksuan rolin e Shqipërisë si një model unik të bashkëjetesës fetare dhe dialogut ndërfetar.
Gjithashtu, Sekretari i Përgjithshëm i RABITA-s u prit në një takim zyrtar në Presidencë nga Presidenti Sh.T.Z. Bajram Begaj, si dhe nga Kryeministri Sh.T.Z. Edi Rama, ku u diskutua mbi rëndësinë e forcimit të bashkëpunimit ndërmjet institucioneve islame dhe autoriteteve shqiptare, si dhe promovimi i paqes dhe tolerancës në rajon e më gjerë.
Vizita e Dr. El-Isa në Shqipëri konfirmoi edhe njëherë bashkëpunimin e Ligës Botërore Islame dhe Komunitetit Mysliman të Shqipërisë. 
Kjo është vizita e dytë e Dr. El-Isa në Shqipëri i cili e cilësii Shqipërinë si një shembull frymëzues të bashkëjetesës për botën islame dhe më gjerë.