E lexoja historinë e Pejgamberit Junus a.s. dhjetëra herë gjatë shumë viteve, por vetëm dy vjet më parë ndalova te ajeti: "Pastaj balena e mori (Junusin) për kafshatë ushqimi" (Es-safat 142). Pyesja veten, pse Zoti i Plotfuqishëm, tha: "Pastaj balena e mori për kafshatë ushqimi."
Kështu që fillova të studioja natyrën e balenave dhe zbulova se ekziston një grup balenash të quajtura balena blu apo balena e kaltër.
Balena blu është kafsha më e madhe e krijuar nga Zoti i Plotfuqishëm. Është më e madhe se dinozaurët dhe më e madhe se elefantët. Gjatësia e saj mund të arrijë më shumë se 35 metra dhe pesha e saj mund të arrijë më shumë se 180 ton.
Ky gjitarë apo kjo krijesë, pavarësisht madhësisë së saj të madhe, ha vetëm krijesa mikroskopike të quajtura plankton, organizma lundrues. Nuk ka fare dhëmbë dhe ka pllaka vertikale me të cilat i kap këto krijesa lundruese.
Metoda e saj e të ngrënit është si më poshtë: ajo merr disa metra kub ujë me gojën e saj, kap çdo gjë që noton në të dhe e nxjerr ujin nga anët e gojës së saj. Asnjë nga këto plankton nuk shpëton.
Këtu fillon lidhja e historisë së balenës blu dhe Pejgamberit Junus a.s
Kjo balenë, pavarësisht madhësisë së saj gjigante, gëlltit vetëm këto krijesa mikroskopike. Nëse diçka e madhe hyn në gojën e saj, ajo nuk mundet me gëlltit, dhe për këtë arsye Junusi (paqja qoftë mbi të), mbeti në gojën e balenës si një kafshatë. Kjo është arsyeja pse Zoti ynë, i Vërteti në Kuran tha: "Pastaj balena e mori për kafshatë." Domethënë, nuk ishte në gjendje as ta gëlltiste dhe as ta përtypte sepse nuk kishte dhëmbë.
Balenat marrin frymë oksigjen, dhe për këtë arsye ato ngrihen në sipërfaqen e ujit një herë në pesëmbëdhjetë minuta. Zoologët kanë thënë se më shumë se dy burra mund të qëndrojnë rehat mbi gjuhën e një balene me gojën e saj të mbyllur, pa asnjë shqetësim. Kjo do të thotë që Junusi a.s. ishte ulur në atë që ishte si një dhomë e gjerë me ajër të kondicionuar.
Kjo është arsyeja pse Zoti ynë, i Bekuar dhe i Lartësuar qoftë Ai, tha: "Pastaj balena e mori për kafshatë." dhe nuk tha se e gëlltiti ose e treti.
E kam lexuar këtë ajet qindra herë dhe nuk më bëri përshtypje, derisa reflektova mbi të. Prandaj, them:
Sa më shumë që dikush reflekton mbi Kuranin e Shenjtë, aq më shumë mrekulli sheh dhe aq më shumë kupton, duke çuar në besim dhe bindje të plotë në Zotin e Botëve, Lavdi Atij dhe në të vërtetën e çdo fjale në Kuranin e Lavdishëm.
Reflektova dhe konsultova burime shkencore, dhe gjithashtu u ktheva te Dhiata e Vjetër në anglishte, Tora, dhe i gjeta duke thënë:
"Një peshk i madh e gëlltiti."
Sigurisht, ka një ndryshim shumë të madh sepse nëse do të ishte gëlltitur, do të kishte vdekur në procesin e tretjes.
Pra, u morë për kafshatë, u rrëmbye nga një peshk, jo u gëlltit nga një peshk i madh siç tha bibla. Kuptimi kuranor këtu është plotësisht i saktë, madje jashtëzakonisht i saktë: "Pastaj balena e mori për kafshatë." do të thotë se ai Junusi a.s. mbeti si një kafshatë në gojën e balenës, i pamundur të gëlltitet dhe të mos pështyhet menjëherë.
Pastaj Zoti i Botëve, thotë në vargje të tjera: "Dhe Ne bëmë që mbi (tokë) të mbinte një hardhi kungulli."(pasi doli nga goja e balenës). (Sureja Es-Saffat). Pse atëherë një hardhi kungulli?

Përgjigje:
Këtu i referohet llojeve të ndryshme të kungujve, duke përfshirë kungullin butternut, i cili ka gjethet më të mëdha nga çdo bimë. Meqenëse Zoti ynë donte ta mbronte robin dhe Pejgamberin e Tij, Ai e mbrojti atë me një hardhi kungulli, e cila ka gjethet më të mëdha nga çdo bimë.
Pastaj, përmes një studimi të kujdesshëm të hardhisë së kungullit, zbulova:
Se kërcelli, degët, gjethet dhe frutat e kungullit janë plot me antibiotikë, prandaj insektet nuk i afrohen asaj.
Kjo tregon se çdo fjalë dhe çdo shkronjë në Kuranin e Shenjtë ka mençuri të thellë, duke vërtetuar të vërtetën e Kuranit në çdo shkronjë të vetme.
Kjo ndodh sepse kur e konsultova edhe Dhiatën e Vjetër, zbulova se ata thonë: "Dhe një hardhi rrushi e bëri hije atë".
Rrushi është plot me insekte dhe nuk mund ta bënte hije Pejgamberin Junusin a.s. sepse gjethet e tyre janë të vogla, as nuk mund t'i shëronin plagët e tij sepse u mungon sasia e madhe e antibiotikëve që gjenden në hardhinë e kungullit. "Dhe Allahu e di më së miri."

Marrë nga dijetari Zaglul Nexhar
Dr. MUSA VILA