Laila Cunningham bëhet gruaja myslimane e parë që hyn zyrtarisht në garën për kryetare të Londrës për zgjedhjet e vitit 2028, njofton Reform UK si kandidaten e saj të hershme. 
Cunningham ka lindur në Londër nga prindër me origjinë egjiptiane që mbërritën në Mbretërinë e Bashkuar në vitet 1960. Është nënë e shtatë fëmijëve dhe praktikuese e fesë islame.
Cunningham është anëtare e Këshillit të Qytetit Westminster dhe ish-prokurore në Shërbimin Prokurorial të Kurorës. Ajo iu bashkua Reform UK në vitin 2025, pasi më parë ishte pjesë e Partisë Konservatore.
Në deklaratat e saj, Cunningham ka theksuar se prioriteti kryesor i fushatës do të jetë lufta kundër kriminalitetit dhe rritja e sigurisë në Londër, përfshirë shtimin e pranisë policore dhe përballjen me krimet e dhunshme.
Kandidatura e saj ka nxitur debat në Britani, pasi Reform UK njihet për qëndrime të ashpra ndaj migracionit, ndërsa Londra është një nga qytetet më multikulturore në Evropë. Megjithatë, partia e sheh Cunningham si një figurë që synon të sfidojë drejtimin aktual të qytetit.
Zgjedhjet për kryetar të Londrës do të mbahen në vitin 2028.