Këshilli i Bashkësisë Islame të Gjakovës mbajti sot mbledhjen e rregullt, të kryesuar nga kryetari, dr. Valon ef. Myrta.
Pas leximit dhe aprovimit të procesverbalit nga mbledhja e kaluar, Këshilli shqyrtoi raportet dhe informacionet lidhur me dëmet e shkaktuara nga zjarri në Xhaminë e Dardanisë, si dhe dëmet e shkaktuara nga erërat e forta në Xhaminë e Rashkocit.
Lidhur me këto raste, u diskutua për gjendjen aktuale, vlerësimin e dëmeve dhe masat që do të ndërmerren për sanimin dhe rikthimin e objekteve në funksion.
Këshilli po ashtu shqyrtoi edhe pika të tjera të rëndësishme dhe mori qëndrimet përkatëse në përputhje me rregulloret dhe kompetencat institucionale.