Emine el-Kadi është gruaja e cila me besnikëri ruan xhaminë e Profetit Ibrahim në qytetin El-Khalil në Bregun Perëndimor.

Këtë detyrë 51 vjeçarja Emine e konsideron si obligim dhe thotë se ndihet e lumtur dhe e nderuar që për 22 vite ruan vendin ku ndodhen varret e Profetëve Isak dhe Jakub.
"Këtë e bëj për 22 vjet, dhe ndihem krenare për këtë. Kjo, nga njëra anë është edhe si obligim fetar. Shpirtërisht jam e lidhur me këtë punë. Falem, por edhe e shfrytëzoj kohën për të mësuar. Intensivisht bëj kërkime në burimet islame në lidhje me këtë xhami që vizitorëve t’ju ofroj sa më shumë informacione", thotë Kadi, nënë e shtatë fëmijëve.
Kadi, punon si roje e xhamisë, por njëherësh edhe si cicerone për turistët që vijnë për vizitë. Deri në vitin 1994 edhe hebrenjtë, në kohë të caktuar, vinin që ta vizitonin varrin e Profetit Ibrahim.
Më 25 shkurt të vitit 1994, hebreu i ekstremit të djathtë Baruch Goldstien hapi zjarr në xhami dhe me këtë rast vrau 29 palestinezë dhe plagosi 125 të tjerë.
Pas kësaj, autoritetet izraelite për arsye sigurie gjysmën e xhamisë e kthyen në një strehë për hebrenjtë. Në afërsi të xhamisë së Profetit Ibrahim janë vendosur rreth 1.500 ushtarë izraelitë të cilët mbrojnë 400 kolonët hebrenj.