Në mbrëmjen e sotme, me pritjen e shumë familjarëve, në Aeroportin "Adem Jashari", ateroi edhe grupi i pestë i haxhilerëve, që këtë vit qenë mysafirë në vendet e shenjta për ta kryer haxhin. 

Haxhilerët nga Gjakova, Podujeva, Dragashi dhe Vitia, u shprehën jashtëzakonisht të lumtur që arritën ta kryenin haxhin. Ata thanë se organizimi nga Bashkësia Islame e Kosovës ka qenë i mrekullueshëm dhe se gjithçka ka shkuar ashtu siç është më së miri.